Ukraina harbiylari Zaporojye AES joylashgan Energodar shahriga zarba berdi — “TASS”

Ukraina harbiylari 13-aprel kuni Zaporojye viloyatidagi Energodar shahriga hujum uyushtirgan. Bu haqda “TASS” nashri xabar berdi.

Manbaga ko‘ra, Ukraina harbiylari Zaporojye atom elektr stansiyasi (ZAES) joylashgan Energodar shahriga zarba berish uchun kamikadze dronlaridan foydalangan. AES matbuot kotibi Yevgeniya Yashina ushbu xabarni tasdiqlagan.

Hujum oqibatida halok bo‘lganlar va jarohatlanganlar haqida maʼlumot berilmagan. AES va unga aloqador infrastrukturaga ham shikast yetmagan.

“Energodarga kamikadze dronlari bilan zarba berildi. Qurbonlar haqida maʼlumot yo‘q. Hech kim tibbiy yordam so‘rab murojaat qilmagan”, — deyilgan Yevgeniya Yashina xabarida.