Isroil tashqi ishlar vaziri Yevropa Ittifoqini Eronga qarshi sanksiyalar qo‘llashga chaqirdi

Isroil tashqi ishlar vaziri Israel Kas Yevropa Ittifoqini Eronga nisbatan sanksiya qo‘llashga chaqirdi. Bu haqda Al Jazeera nashri xabar berdi.

Xabarga ko‘ra, Isroil rasmiysi, shuningdek, Tehronga bo‘ysunuvchi Islom inqilobi qo‘riqchilari korpusini ham “terrorchi tashkilot” deb eʼlon qilishga chaqirgan. Bu tashkilot Yaqin Sharqda inson huquqlari buzilishi bilan bog‘liq bir qancha jinoyatlar sodir etganini maʼlum qilgan.

“Oyatulloh Ali Xomanaiy rejimi HAMAS jinoyatlarini qo‘llab-quvvatlovchi jinoiy rejim va hozirda xalqaro huquqni buzgan holda qaroqchilik operatsiyalarini amalga oshirmoqda”, — degan Israel Kas.

“Men Yevropa Ittifoqi va erkin dunyoni Eron inqilobiy qo‘riqchilar korpusini terrorchi tashkilot deb eʼlon qilishga va hozirdanoq Eronga sanksiyalar kiritishga chaqiraman”, — deya qo‘shimcha qilgan Tel-Aviv rasmiysi.

Oldinroq Eron oliy rahbariyatiga bo‘ysunuvchi Islom inqilobi qo‘riqchilari korpusi tomonidan Ho‘rmuz bo‘g‘ozida yirik yuk tashuvchi kema qo‘lga olingani xabar qilingan edi. Isroillik moliya magnati Eyal Ofer boshqaruvidagi Zodiac Maritime yuk tashish kompaniyasiga tegishli bo‘lgan kema Portugaliya bayrog‘i ostida suzib ketayotganida aniqlangan.