AQSH va Buyuk Britaniya birgalikda Rossiya iqtisodiyoti uchun muhim daromad manbaiga zarba berish maqsadida Rossiyadan metall importini taqiqlashni uzaytirdi, deya BBC xabar berdi.
Yangi chora-tadbirlar Rossiyada ishlab chiqarilgan alyuminiy, mis va nikelni AQSHga olib kirishni taqiqlaydi, — deyiladi AQSH Adliya vazirligi bayonotida.
Sanksiyalar, shuningdek, AQSH va Britaniya hukumati tomonidan ilgari qabul qilingan chora-tadbirlarga muvofiq, global birjalarda va birjadan tashqari savdolarda ushbu metallardan foydalanishni cheklaydi.
Bu London metall birjasi va Chikago tovar birjasiga Rossiyada ishlab chiqarilgan har qanday yangi alyuminiy, mis va nikelni qabul qilish taqiqlanishini anglatadi.
Biz ittifoqchilarimiz bilan birgalikda harakat qilsak, Putinning Ukrainada noqonuniy urush olib borishiga chek qo‘yishimiz mumkin. AQSH bilan Rossiya metallarini ikkita yirik birjada taqiqlash bo‘yicha qat’iy harakatimiz Kremlning urush mashinasiga ko‘proq pul o‘tkazishiga to‘sqinlik qiladi, — deydi Buyuk Britaniya moliya vaziri Jeremi Xant.
Izoh (0)