Ukrainada harbiy xizmatchilar va huquq-tartibot idoralari xodimlariga naqd pul to‘lovlari 170 ming grivnaga (54 million so‘mdan ziyod) oshirildi. Bu haqda mudofaa vaziri Rustem Umerov xabar berdi.
“Bugun biz adolat va himoyachilarimizga munosib hurmatni ta’minlash yo‘lida muhim qadam tashladik”, — deb yozgan Umerov o‘zining Facebook sahifasida.
Uning so‘zlariga ko‘ra, Vazirlar Mahkamasi prezident Vladimir Zelenskiy, Ukraina armiyasi bosh qo‘mondoni Aleksandr Sirskiy bilan yaqin hamkorlikda Mudofaa vazirligi tashabbusi bilan harbiy xizmatchilar va politsiya xodimlari oyligini oshirish to‘g‘risida qaror qabul qilgan.
Natijada, to‘lovlarning umumiy miqdori 100 ming grivna (taxminan 32 million so‘m) miqdoridagi bazaviy miqdor va 70 ming grivna (22,5 million so‘m) miqdoridagi qo‘shimcha mukofot pulidan iborat bo‘lib, u har 30 kunda to‘qnashuv chizig‘i va dushman hududidagi harbiy harakatlarda faol qatnashganlik uchun to‘lanadi.
Umerovning qayd etishicha, bu har kuni o‘z hayotini xavf ostiga qo‘yib, mamlakat erkinligi va kelajagini himoya qilayotgan Ukraina harbiylari uchun qo‘shimcha rag‘bat bo‘ladi.
Harbiy holat davrida ukrain harbiy xizmatchilarga to‘lovlar ikki qismdan iborat: oylik naqd pul ta’minoti va qo‘shimcha ish haqi, bu 30, 50 va 100 ming grivna miqdoridagi (salkam 10, 16 va 32 million so‘m) bonuslardir. Pul ta’minotining o‘zi yana ikki qismga bo‘linadi:
- asosiy moliyaviy yordam — rasmiy, harbiy unvonga muvofiq ish haqi va ish staji uchun mukofot;
- qo‘shimcha pul yordami — xizmatning o‘ziga xos xususiyatlari uchun imtiyozlar.
Izoh (0)