Германия канцлери Олаф Шольц “вақти келганда” Россия президенти Владимир Путин билан тўғридан тўғри музокаралар олиб бориш имкониятини истисно этмади.
Бу ҳақда Шольц Tageszeitung нашрига берган интервьюсида маълум қилди.
Журналистнинг Путин билан музокаралар ўтказиш имконияти ҳақидаги саволига жавоб берар экан, Шольц шундай деди: “Музокаралар вақти келганда бўлади”.
Унинг сўзларига кўра, бунинг амалга ошиши учун Россия томонидан муайян шартлар бажарилиши керак.
“Россия мажбуран тинчлик ўрнатиб бўлмаслигини тушунганда ва Путин ўз ҳарбий операциясидан воз кечиб, қўшинларини Украина ҳудудидан олиб чиқиши кераклигини англаб етганда музокаралар ўтказиш мумкин бўлади”, — деди Шольц.
Канцлер 2022 йилнинг декабрь ойида Путин билан телефон орқали қилган суҳбатларини эслади: “Вазиятни ўзгартиришингиз мумкинлигини ҳис қилганингизда бундай суҳбатлар фойдали бўлади. Ҳозирда уруш буни аксини кўрсатмоқда, Ўз вақтида менинг Путин билан суҳбатларим кўплаб танқидларга сабаб бўлганди. Буни тўғри қабул қилганман ва келажакда муҳокамалар бўлишини истисно қилмайман”, — деди Олаф Шольц.
Изоҳ (0)