Dunyodagi eng baxtli davlat nomi ma’lum qilindi

Mutaxassislar eng baxtli mamlakatlar reytingini tuzdilar. Finlyandiya yettinchi yil ketma-ket birinchi o‘rinni egalladi. Undan keyingi o‘rinlarda Daniya va Islandiya bormoqda.

Afg‘oniston eng baxtsiz davlat sifatida tilga olingan. Baxtli mamlakatlar bo‘yicha butunjahon hisobotiga ko‘ra, ro‘yxatning eng quyi pog‘onasidan, shuningdek, Livan, Lesoto, Syerra-Leone va Kongo Demokratik Respublikasi joy olgan.

Eng baxtli mamlakatlar reytingi 2012-yildan beri e’lon qilib kelinmoqda. Reytingni tuzishda mutaxassislar oltita asosiy parametrga e‘tibor qaratadilar. Bular aholini ijtimoiy qo‘llab-quvvatlash, daromad darajasi, sog‘liq, erkinlik, saxovat va korrupsiya ko‘rsatkichi. Oxirgi hisobot 20-martda nishonlanadigan Xalqaro baxt kunida e’lon qilindi.

Avvalroq dunyoning eng xavfsiz davlatlari nomi e’lon qilingan edi. Dastlabki uch o‘rinni Qatar, BAA va Tayvan egallagan.