G‘azoda bir hafta ichida 100 dan ortiq gumanitar yordam xodimi halok bo‘ldi — JSST

So‘nggi bir hafta ichida G‘azo sektorida Isroil hujumlari oqibatida 100 dan ortiq gumanitar yordam xodimlari halok bo‘lgan. Bu haqda Jahon sog‘liqni saqlash tashkiloti xabar berdi.

Xabarda aytilishicha, 7-oktyabrdan beri tashkilot G‘azo sektorida sog‘liqni saqlash tizimi obyektlariga uyushtirilgan 410 ta hujumni hujjatlashtirgan. Hujumlar natijasida 685 kishi halok bo‘lgan, 902 nafar g‘azolik jarohat olgan. 99 ta obyektga zarar yetkazildi hamda 104 ta tez yordam mashinasi zarar ko‘rgan.

Manbaga ko‘ra, hujumlarning beshdan ikki qismi (38 foiz) G‘azo shahrida, chorak qismi (23 foiz) G‘azo sektori shimolida va chorakdan ko‘prog‘i (28 foiz) Xon Yunus hududida sodir bo‘lgan.

So‘nggi bir haftaning o‘zida Isroil kuchlari tomonidan uyushtirilgan sakkizta hujumda 100 dan ortiq gumanitar yordam xodimi halok bo‘lib, o‘nlab xodimlar yaralangan. Ommaviy axborot vositalarining bayonotida aytilishicha, gumanitar yordam xodimlari nishonga olinishi Isroilning ochlik siyosatini davom ettirish va keng miqyosda oziq-ovqat tanqisligini chuqurlashtirish strategiyasining bir qismidir.