O‘zbekistonga eng ko‘p erkak sayyohlar kelganmi yoki ayol sayyohlar? Statistika agentligi ma’lumot berdi

O‘zbekistonga kelgan chet el fuqarolari tarkibida erkaklar soni ko‘p ekani ma’lum bo‘ldi. 

Statistika agentligi ma’lumotlariga ko‘ra, 2024-yilning yanvar oyida 520,2 ming nafar chet el fuqarolari turistik maqsadda O‘zbekistonga tashrif buyurgan. Shundan:

• Erkaklar – 277,6 ming nafar (jamiga nisbatan 53,4  foiz);
• Ayollar – 242,6 ming nafar (jamiga nisbatan 46,6 foiz).

2023-yilning yanvar—dekabr oylarida 6,6 million nafar chet el fuqarolari turistik maqsadlarda O‘zbekistonga tashrif buyurgan. Ushbu ko‘rsatkich o‘tgan yilning mos davri bilan solishtirilganda 1,4 mln nafarga yoki 26,6 foizga oshgan.

O‘zbekistonga 2023-yilda eng ko‘p quyidagi davlatlarning fuqarolari turistik maqsadda tashrif buyurgan:

• Tojikiston – 2155,2 ming nafar
• Qirg‘iziston – 1757,1 ming nafar
• Qozog‘iston – 1333,3 ming nafar 
• Rossiya – 714,3 ming nafar 
• Turkiya – 106,5 ming nafar
• Turkmaniston – 100,3 ming nafar
• Xitoy – 42,5 ming nafar 
• Hindiston – 45,5 ming nafar 
• Janubiy Koreya – 37,1 ming nafar 
• Germaniya – 29,6 ming nafar
• Italiya – 25,6 ming nafar
• AQSH – 23 ming nafar
• Fransiya – 18,6 ming nafar
• Buyuk Britaniya – 16,2 ming nafar
• Ispaniya – 15,2 ming nafar
• Belarus – 15,1 ming nafar
• Ozarbayjon – 14,7 ming nafar 
• Yaponiya – 12,4 ming nafar