FlyDubai aviakompaniyasining Toshkent vaqti bilan soat 04:00 da uchishi belgilangan FZ1942 (Toshkent–Dubay) reysi texnik sabablarga ko‘ra 24 soatga kechiktirildi. Bu haqda Uzbekistan Airports matbuot xizmati xabar berdi.
Qayd etilishicha, ushbu reysning barcha yo‘lovchilari aviakompaniya tomonidan mehmonxonaga joylashtirilgan.
Dastlabki maʼlumotlarga ko‘ra, FZ1942 reysi 2024-yil 1-fevral Toshkent vaqti bilan soat 04:30 ga ko‘chirilgan.
“Parvoz jadvaliga kiritilgan o‘zgartirishlar to‘g‘risidagi batafsil maʼlumotlarni aviatashuvchidan olish mumkin. Shuningdek, parvoz holati haqidagi maʼlumotlarni Uzbekistan Airports’ning rasmiy veb-sayti va mobil ilovasi orqali olish mumkin”, — deyiladi xabarda.
Avvalroq Toshkent—Bangkok—Toshkent yo‘nalishi bo‘yicha aviareys, London—Toshkent yo‘nalishi bo‘yicha uchishi kerak bo‘lgan reys kechiktirilgani to‘g‘risida xabar berilgandi.
Izoh (0)