Surxondaryo viloyatining Sariosiyo tumanida subsidiya asosida artizan suvini qazib chiqarishga ruxsat olib berishni vaʼda qilgan shaxs ushlandi. Bu haqda Bosh prokuratura huzuridagi departament matbuot xizmati xabar berdi.
Maʼlum qilinishicha, fuqaro I.H. fuqaro N.T.ga o‘zini go‘yoki Sariosiyo tumani fermerlar va tomorqa yer egalari kengashi bosh mutaxassisi deb tanishtirgani aniqlangan.
O‘tkazilgan tezkor tadbirda I.H. tumanning “Terakzor” mahallasi va Jarobod qishlog‘i aholisiga subsidiya asosida artizan suvini qazib chiqarishga ruxsat olib berishi evaziga undan 4 mln so‘mni olgan vaqtida ashyoviy dalillar bilan ushlangan.
Mazkur holat yuzasidan Jinoyat kodeksining 168-moddasi (firibgarlik) bilan jinoyat ishi qo‘zg‘atilib, tergov harakatlari o‘tkazilmoqda.
Izoh (0)