Uzbekistan Airways Тошкент—Куала-Лумпур—Тошкент рейси кечиктирилганини маълум қилди.
Қайд этилишича, ҳаво кемасининг режалаштирилган вақтда парвозга тайёр эмаслиги муносабати билан фақат 22 февраль куни HY553/554 авиақатнови ўзгартирилган ҳаракат жадвалига мувофиқ 4 соатга кечиктирилади:
HY553 авиақатнови
- Тошкентдан жўнаб кетиш 22 февраль соат 03:30, Тошкент вақти билан;
- Куала-Лумпурга етиб келиш соат 14:00, Куала-Лумпур вақти билан.
HY554 авиақатновни
- Куала-Лумпурдан жўнаб кетиш соат 15:00, Куала-Лумпур вақти билан;
- Тошкентга етиб келиш соат 19:30, Тошкент вақти билан.
Таъкидланишича, авиакомпаниянинг техник хизмати мутахассислари ҳаво кемасини режалаштирилган парвозга тайёрлаш бўйича барча зарур ишларни олиб бормоқда.
Эслатиб ўтамиз, 8 февраль куни Тошкентда Россиянинг “Аэрофлот” рейси 6 соатдан ортиқ кечиктирилганди. Январь охирида эса Тошкентдан Дубайга учиши керак бўлган рейс бир кунга кечиктирилгани тўғрисида хабар берилган эди.
Изоҳ (0)