“AQSH Ukraina bo‘yicha muzokaralar uchun zarur shartlarni ko‘rmayapti” — Blinken

AQSH davlat kotibi Entoni Blinken Braziliya prezidenti Luis Inasiu Lula da Silva bilan suhbatda Vashington Ukrainadagi vaziyat bo‘yicha diplomatiya uchun shart-sharoit ko‘rmayotganini aytdi, deb yozadi Reuters.

“Blinken va Lula da Silva Ukrainadagi mojaro haqida gaplashganda, AQSH davlat kotibi diplomatiya uchun shart-sharoit ko‘rmayotganini ochiq aytdi”, — deyiladi agentlik bayonotida.

Moskva avvalroq muzokaralarga tayyor ekanligini bir necha bor bildirgan, biroq Kiyev qonunchilik darajasida ularga taqiq joriy qilgan. 

Avvalroq Kreml Ukrainadagi vaziyatning tinch yo‘nalishga o‘tishi uchun hozirda hech qanday shart-sharoit yo‘qligini, Rossiya uchun mutlaq ustuvorlik maxsus operatsiya maqsadlariga erishish ekanligini, hozircha bu faqat harbiy yo‘l bilan amalga oshirilishini ta’kidlagan edi.

Rossiya prezidenti Vladimir Putin Ukraina muzokara jarayonini istasa, hech qanday vositachilar kerak emasligini, faqat Rossiya bilan muzokaralarni taqiqlovchi farmonni bekor qilish zarurligini aytgandi.

Uning so‘zlariga ko‘ra, Rossiya hech qachon Ukrainadagi mojaroni tinch yo‘l bilan hal qilishga qarshi bo‘lmagan.