Rossiyalik harbiy bloger Andrey Morozov Rossiya Ukrainaning Avdeyevka shahriga hujumi chog‘ida katta yo‘qotishlarga uchragani haqida xabar berganidan bir necha kun o‘tib vafot etdi. Bu haqda CNN nashri xabar berdi.
Mahalliy Rossiya nashrlari bergan maʼlumotga ko‘ra, bloger o‘z joniga qasd qilgan. Politsiya o‘lim tafsilotlarini o‘rganayotgani maʼlum qilingan.
Avvalroq bloger Morozov oktyabr oyidagi hujumdan beri Moskva 16 mingga yaqin askar va 300 ta zirhli texnikasini yo‘qotganini aytgan edi. Bu esa rossiyalik targ‘ibotchilarning qattiq tanqidiga uchragan.
Bloger o‘z joniga qasd qilish niyatini oldindan eʼlon qilib, kuzatuvchilarini uning uchun motam tutmaslikka chaqirgan. Vafotidan so‘ng Luganskka dafn qilishlarini so‘ragan.
Xabarda aytilishicha, Morozov Avdeyevka haqidagi xabarni eʼlon qilgach, nomaʼlum harbiy unga qo‘ng‘iroq qilib, postni o‘chirishni buyurgan. Blogerning Rossiya armiyasida qurol-yarog‘ yetishmasligi muammosi borligi haqidagi postlari Kremlda tashvish uyg‘otgani aytilgan.
Izoh (0)