NATO bosh kotibi Yens Stoltenberg ukrainalik harbiylarning Avdeyevkadan chekinishiga munosabat bildirar ekan, vaziyat murakkab ekanini aytdi.
“Ukrainaning Avdeyevkadan chekinishi jang maydonidagi vaziyat nihoyatda og‘ir ekanini ko‘rsatadi”, — dedi u Bryusseldagi matbuot anjumanida.
Stoltenberg, shunga qaramay, "ukrainaliklar mardonavor jang qilayotganini" va Shimoliy Atlantika alyansi Kiyevni qo'llab-quvvatlashda davom etishini ta'kidladi.
17-fevralga o‘tar kechasi Ukraina Qurolli kuchlari bosh qo‘mondoni Aleksandr Sirskiy Avdeyevkani tark etish to‘g‘risida buyruq berdi.
"Qurshovda qolmaslik, harbiy xizmatchilar hayoti va sog‘lig‘ini saqlash uchun bo‘linmalarimizni shahardan olib chiqib, mudofaaga yanada qulayroq yo‘nalishlarga o‘tishga qaror qildim", — deya izohladi bu qarorni Sirskiy.
Izoh (0)