“Rossiya ‘Tolibon’ bilan birdamlik belgisi sifatida Dohadagi uchrashuvda qatnashishdan bosh tortdi” — Mariya Zaxarova

Rossiya Tashqi ishlar vazirligi Birlashgan Millatlar Tashkilotining Dohada Afg‘oniston bilan bog‘liq yig‘ilishiga munosabat bildirdi.

Rossiya Tashqi ishlar vazirligi matbuot kotibi Mariya Zaxarova yakshanba va dushanba kunlari Birlashgan Millatlar Tashkiloti bosh kotibi Antoniu Guterrish mezbonligida bo‘lib o‘tgan Doha uchrashuvi munosabati bilan Afg‘oniston bo‘yicha “Tolibon” harakati va mintaqa davlatlarining ko‘magisiz har qanday tashabbus muvaffaqiyatsiz bo‘lishini aytdi.

Mariya Zaxarova 20 -fevral seshanba kuni “Tolibon” delegatsiyasi faqat qochoq afg‘on fuqarolik jamiyati vakillari ishtirokidagi mayda tadbirlarni o‘tkazishga ruxsat berilgani tufayli yuzaga kelgan kamsituvchi sharoit tufayli yig‘ilishda qatnashishdan bosh tortganini aytdi.

Rossiyalik mulozimning qo‘shimcha qilishicha, Afg‘oniston bo‘yicha maxsus vakilni tanishtirish va BMTning Afg‘oniston bo‘yicha maxsus elchisi lavozimini yaratish bo‘yicha ilgari eʼlon qilingan rejalari bo‘yicha hech qanday qaror qabul qilinmagan.

Uning ta’kidlashicha, bunday masala tegishli tushuntirishsiz kun tartibiga kiritilgan.

Mariya Zaxarova mamlakat delegatsiyasining Dohadagi yig‘ilish doirasida Xitoy, Eron va Pokiston vakillari bilan bir necha bor muzokaralar o‘tkazganini va Rossiyaning mintaqaviy hamkorlikni mustahkamlash yo‘lida birdamligini ta’kidladi.

Rossiya Tashqi ishlar vazirligi matbuot kotibining qo‘shimcha qilishicha, Rossiya rasmiylari “Tolibon” bilan birdamlik belgisi sifatida ushbu uchrashuvda qatnashishdan bosh tortgan.