Finlyandiya chegara xizmati Rossiya bilan chegaradagi vaqtinchalik nazorat-o‘tkazish postlarini butunlay yopishni rejalashtirmoqda. Finlyandiyaga yog‘och yetkazib berish asosan shu nazorat punktlari orqali amalga oshirilgan. Mazkur postlar bir necha yildan beri ishlamayapti.
Finlyandiya chegara xizmati rahbari o‘rinbosari Marko Saareksning Yle nashriga aytishicha, Rossiya birinchi bo‘lib Parikkala va Inari postlarini to‘liq yopishni taklif qilgan, shundan so‘ng Finlyandiya tomoni bu masalani muhokamaga qo‘ygan.
Telekanal xabar berishicha, 2023-yilda Yevropa Ittifoqi Finlyandiya eʼtiborini Rossiya Federatsiyasi bilan chegaradagi vaqtinchalik nazorat-o‘tkazish punktlariga qaratib, ular kamsituvchi xarakterga ega ekanligiga qaratgan. Chunki bu postlar orqali faqat ikki davlat fuqarolari o‘tishi mumkinligi belgilangandi.
Chegara xizmati mahalliy hokimiyat organlari va vaqtinchalik nazorat punktlaridan foydalangan kompaniyalardan fevral oyi oxirigacha nazorat-o‘tkazish punktining to‘liq yopilishi bo‘yicha o‘z fikrlarini bildirishni so‘radi. Bu borada qarama-qarshi fikrlar yuzaga kelgan. Chegara xizmati yakuniy qarorni bahor yoki yozda qabul qiladi, deb yozadi Yle.
2023-yil noyabr oyi o‘rtalarida Finlyandiya hukumati Rossiya bilan chegaradagi nazorat-o‘tkazish punktlari faoliyatini cheklashni boshladi. Yil oxiriga kelib barcha nazorat punktlari yopildi. Finlyandiya hukumati bunday choralarni Rossiya hududidan mamlakatga kirib kelayotgan noqonuniy migrantlarning ko‘pligi bilan izohladi.
2024-yil fevral oyida Finlyandiya Rossiya Federatsiyasi bilan chegarani yopish muddatini 14-aprelgacha uzaytirgandi.
Izoh (0)