Rossiya prezidenti Vladimir Putin Shimoliy Koreya rahbari Kim Chen Inga mahalliy ishlab chiqarilgan avtomobil sovg‘a qildi. Bu haqda “RIA Novosti” xabar berdi.
Kim Chen In 2023-yilning kuzida Rossiyaga tashrif buyurgan edi. 18-fevral kuni Rossiya tomonidan sovg‘ani KXDR Ishchilar partiyasi markaziy qo‘mitasi kotibi Pak Chong Chxon va partiya Markaziy qo‘mitasi bo‘lim mudiri o‘rinbosari, KXDR yetakchisining singlisi Kim Yo Chjon qabul qildi.
“KXDR Davlat ishlari bo‘yicha raisi Kim Chen Inga Rossiya prezidenti Vladimir Vladimirovich Putin tomonidan Rossiyada ishlab chiqarilgan shaxsiy avtomobil sovg‘a qilindi”, — deyiladi xabarda.
2023-yil sentyabrida Kreml Shimoliy Koreya yetakchisining Rossiyaga tashrifini e’lon qildi. Kreml matbuot kotibi Dmitriy Peskov Rossiya prezidenti va Shimoliy Koreya yetakchisi o‘rtasidagi uchrashuv Uzoq Sharqda bo‘lib o‘tishini ma’lum qildi. Keyinroq Kim Chen Inning zirhli poyezdi Rossiya hududiga kirgani maʼlum bo‘ldi. Shundan so‘ng “Vostochniy” kosmodromida Putin va Kim Chen Inning uchrashuvi bo‘lib o‘tgan edi.
Izoh (0)