Tojikiston va O‘zbekiston chegarasida o‘nlab yuk mashinalari qolib ketdi. Bu haqda Sputnik Tojikiston xabar berdi.
Matchinskiy tumanidagi “Fotexobod” postida yuk mashinalari to‘planib qolgan. Haydovchilarga ko‘ra, asosiy sabab yuk mashinalari uchun chegarani kesib o‘tishda litsenziya narxining oshishi, bu esa yuk tashish ortidan foyda olib kelmaydi. Haydovchilardan biri 2024-yil boshidan hujjat olish qiyin va qimmatga tushayotganini aytmoqda.
“Biz nega bu qog‘oz – ruxsatnoma – narxi birdaniga 100 foizga ko‘tarilib, 130 dollarga yetganini bilmaymiz. Hech kim bizga bu borada tushuntirish bermayapti”, — dedi u.
Boshqa haydovchilar esa bunday narxlar katta qiyinchiliklar tug‘dirishini aytmoqda.
“Xo‘janddan Toshkentga yuk tashish uchun yuk egasi yo‘l haqiga 450 dollar to‘laydi, yukni O‘zbekistonga tushirish uchun biz 220 dollar to‘laymiz, ruxsatnoma esa 130 dollarga aylandi. Bundan tashqari, Tojikistongacha yo‘l haqini to‘laymiz, dizel yonilg‘isi narxi bilan bunga arzimaydi”, — deydi haydovchi.
Ruxsatnoma O‘zbekiston tomonidan Tojikiston Transport vazirligiga yuborilgan hujjatdir. Bu haydovchilarga xususiy xizmat ko‘rsatuvchi kompaniyalar tomonidan taqdim etiladi.
“Barchasi tez orada hal bo‘ladi”
So‘g‘d viloyati raisi Rajabboy Ahmadzoda 6-fevral kuni bo‘lib o‘tgan matbuot anjumanida “barcha muammolar Tojikiston Transport vazirligiga bildirilgan va masala yaqin kunlarda hal qilinadi”, dedi.
“Ushbu masala yuzasidan Bojxona boshqarmasining viloyat hududiy boshqarmasi, Milliy xavfsizlik davlat qo‘mitasining So‘g‘d viloyati bo‘yicha Chegara xizmati bilan bog‘landik, viloyat raisi o‘rinbosari, huquq-tartibot bo‘limi boshlig‘i jalb etildi.
Shuningdek, Tojikiston Tashqi ishlar vazirligi orqali Tojikistonning O‘zbekistondagi elchisi Abdujabbor Rahmonzoda bilan bog‘landik. Shundan so‘ng Komissiya tuzildi. Komissiya a’zolari “Fotexobod” nazorat-o‘tkazish punktiga kelib, yig‘ilish o‘tkazdi. Mavjud muammolar mamlakat Transport vazirligi e’tiboriga havola etildi”, — dedi u.
Viloyat rahbarining so‘zlariga ko‘ra, kelgusida korxonalar haydovchilarga qulay bo‘lishi uchun ruxsatnomani bank o‘tkazmasi orqali sotib olishiga ko‘rsatma berildi.
“Ushbu ruxsatnomalarni beruvchi ayrim kompaniyalarda noqonuniy xatti-harakatlar aniqlangan. Bu masala bilan mamlakat Transport vazirligi shug‘ullanmoqda. Bu masalalarni muhokama qilish uchun Bosh vazir Qohir Rasulzoda bilan ham bog‘landim. Ishonchim komilki, “Fotexobod-Oybek” nazorat-o‘tkazish punkti orqali yuk avtomobillarining kesib o‘tishga ruxsatnoma olish bilan bo‘g‘liq muammolar hal bo‘ladi”, — dedi Rajabboy Ahmadzoda.
Izoh (0)