Kanadaning O‘zbekistondagi yangi elchisi tayinlandi. Bu haqda tashqi ishlar vaziri Baxtiyor Saidov xabar berdi.
Vazir Kanadaning O‘zbekistondagi elchisi etib tayinlangan Alan Hemson bilan uchrashgan. Elchi Baxtiyor Saidovga ishonch yorliqlari nusxalarini topshirgan.
“Kanadaning O‘zbekistondagi elchisi etib tayinlangan Alan Hemson janoblari bilan uchrashish va uning ishonch yorliqlari nusxalarini qabul qilishdan mamnunmiz. Janob Hemsonning mintaqamiz bo‘yicha boy tajriba va bilimga egaligini qadrlaymiz. O‘zbekiston Tashqi ishlar vazirligi janob elchining O‘zbekiston—Kanada ikki tomonlama munosabatlarida foydalanilmagan ulkan salohiyatni ro‘yobga chiqarishga hissa qo‘shish borasidagi saʼy-harakatlarini qo‘llab-quvvatlashga tayyor”, — deydi vazir.
Izoh (0)