O‘zbekistonning yangi tayinlangan favqulodda va muxtor elchisi Sardor Rustamboyev 25-yanvar kuni Hindiston poytaxtiga keldi. Bu haqda “Dunyo” agentligi xabar berdi.
Diplomat 45 yoshda. Birmingem universiteti (Buyuk Britaniya), Toshkent davlat sharqshunoslik universiteti, London universitetining (Buyuk Britaniya) Sharq va Afrika tadqiqotlari maktabi, O‘zbekiston Prezidenti huzuridagi Davlat va jamiyat qurilishi akademiyasini bitirgan. Siyosiy fanlar nomzodi ilmiy darajasiga ega.
Tashqi ishlar vazirligi tizimida 2000-yildan buyon faoliyat yuritib kelmoqda. U markaziy apparatda attashedan tortib bo‘lim boshlig‘igacha bo‘lgan turli lavozimlarda faoliyat yuritgan. O‘zbekistonning Buyuk Britaniyadagi elchixonasi va Shanxay hamkorlik tashkiloti (Pekin shahri, Xitoy) kotibiyatida ishlagan. 2018-2023-yillarda O‘zbekistonning Fransiyadagi elchixonasiga rahbarlik qilgan.
Sardor Rustamboyev 2020–2023-yillarda Dehlidagi elchixonaga rahbarlik qilgan va 2023-yil sentyabr oyida O‘zbekistonning Germaniyadagi elchisi etib tayinlangan Dilshod Ahatov o‘rniga tayinlandi.
Avvalroq O‘zbekiston elchisi Fariddin Nasriyev Eron prezidentiga ishonch yorliqlarini topshirgani, Jazoirning O‘zbekistondagi yangi elchisi tayinlangani, O‘zbekistonning Dubaydagi bosh konsuli missiyasini yakunlagani to‘g‘risida xabar berilgandi.
Izoh (0)