Rossiya prezidenti Vladimir Putinning 1990-yillarga oid tashrif qog‘ozi kim oshdi savdosida 2 million rublga ( 21,7 ming dollar) sotildi. Bu haqda Sankt-Peterburg auksion uyi yetakchi mutaxassisi Finist Sigankov “TASS”ga ma’lum qildi.
“Ikki million rubl. Kurash uzoq davom etdi — taxminan, besh daqiqa, bu auksion uchun juda ko‘p”,— dedi agentlik suhbatdoshi.
“Putin Vladimir Vladimirovich. Xalq deputatlari Leningrad shahar Kengashi raisining xalqaro aloqalar bo‘yicha maslahatchisi”, — deb yozilgan tashrif qog‘ozida. Kartadagi bir nechta raqamlarni Putinning o‘zi yozgan, deyiladi lot tavsifida.
Vladimir Putin 1990-1991—yillarda Leningrad shahar kengashi raisining maslahatchisi bo‘lib ishlagan, o‘shanda kengashni Anatoliy Sobchak boshqargan.
Putinning tashrif qog‘ozlari bir necha bor sotuvga qo‘yilgan. 2019-yilda xuddi shunday karta “Yula” servisiga joylashtirildi, egasi uning qiymatini 650 ming rublga baholadi. Shunga o‘xshash e’lonlar “Avito” saytida ham berilgan.
Izoh (0)