Rossiya prezidenti Vladimir Putinning 140 metrlik “Shahrizoda” yaxtasi Italiyadagi quruqlikdan g‘oyib bo‘ldi. Muxolifatchi Aleksey Navalniyning hamrohlari Italiya hukumatiga murojaat qilib, kema “qochib ketishi”ning oldini olishga chaqirdi.
“Shahrizoda” yaxtasi suvga qo‘yib yuborilgani haqida birinchi bo‘lib eSysman SuperYachts sanoat kanali xabar berdi. “Dosye Markazi”ning surishtiruv olib boruvchi jurnalistlari, Britaniyaning The Sun tabloidi va Navalniyning Korrupsiyaga qarshi fondi Putinni superyaxtaning yakuniy egasi deb ataydi.
Bir qator sud jarayonlaridan so‘ng, 2022-yilning may oyida Italiya rasmiylari qiymati taxminan yarim milliard yevroga teng 140 metrlik yaxtani hibsga olgandi. Endi esa uning izlari yo‘qolmoqda.
“Agar Italiya hukumati biror-bir sababga ko‘ra ‘Shahrizoda’ga qochishga ruxsat bersa, bu tasavvur qilinadigan eng katta sharmandalikka olib keladi. Yevropa Ittifoqining sanksiyalar siyosatiga eng jiddiy zarbadir. Bu sodir bo‘lishi mumkin emas. Siz Putinga yaxtasini qaytarib bera olmaysiz, bu shunchaki aqldan ozish”, — deb yozgan Navalniyning hamrohi Mariya Pevchix.
YouTube’dagi eSysman SuperYachts sanoat kanali mualliflari yaxta joylashgan portga uchinchi yoki to‘rtinchi bor tashrif buyurgan. O‘shanda ular yaxtada o‘zgarishlar sezilganini, u ta’mirdan o‘tayotganini taxmin qilgan.
“Bu g‘alati, chunki kema muzlatib qo‘yilgan, shuning uchun nazariy jihatdan bunday bo‘lmasligi kerak-ku?”, — deydi ular.
“Shahrizoda” yaxtasi so‘nggi 18 oy davomida quruqlikda bo‘lgan.
Izoh (0)