500 chavandoz, 10 ming tomoshabin va sovrin uchun qo‘yilgan tuyalar. Namangandagi Hosil bayramidan fotoreportaj

Namanganda qishloq xo‘jaligi xodimlari kuniga bag‘ishlab o‘tkazilgan hosil bayrami doirasida uloq-ko‘pkari bellashuvlari bo‘lib o‘tdi. Bu haqda “Daryo” muxbiri Azizbek Abduvaliyev xabar bermoqda.

Davlatobod tumanidagi otchoparda 10 mingga yaqin tomoshabin yig‘ildi. Ular orasida turli avlod vakillarini uchratish mumkin edi.

Bellashuvlarda qo‘shni Andijon va Farg‘ona, shuningdek, Toshkent, Jizzax, Sirdaryo, Samarqand, Qashqadaryo viloyatlaridan hamda qo‘shni Qozog‘iston, Tojikiston hamda Qirg‘izistondan kelgan 500 nafarga yaqin mohir chavandoz ishtirok etdi.

Ushbu bayram tadbiri ishtirokchilari sanʼatkorlar chiqishlari, eng sara oshpazlar tomonidan tayyorlangan milliy taomlardan bahramand bo‘ldi. Arzonlashtirilgan qishloq xo‘jaligi mahsulotlari yarmarkasida esa 50 turdan ortiq oziq-ovqat mahsulotlari va poliz ekinlari aholiga maqbul narxlarda yetkazib berildi.

Uloq-ko‘pkari yakunida uning g‘olib va sovrindorlari tashkilotchilar tomonidan qimmatbaho sovg‘alar bilan taqdirlandi.