Ijtimoiy tarmoqlarda 9-dekabr kuni toshkentliklarni va IIO xodimlarini jonli efirda haqorat qilgan shaxs kechirim so‘rab chiqdi.
Videoda haqorat qilgan shaxs Namangan viloyatida istiqomat qilishi aniqlangan. U 10-dekabr kuni qilgan ishidan pushaymon bo‘lib, kechirim so‘rab chiqqan.
“Men kecha kechqurun videolayfda bilmasdan, davlat xodimlarini so‘kib yuborganman. Hammadan kechirim so‘rayman.
Bilmasdan gapirvorgan gaplarimga toshkentliklardan ham kechirim so‘rayman. Hamma kechirishini xohlayman”, — degan fuqaro.
Maʼlumot uchun, Jinoyat kodeksining 140-moddasi 2-qismi nashr qilish yoki boshqacha usulda ko‘paytirilgan tarzda, shu jumladan, ommaviy axborot vositalarida, telekommunikatsiya tarmoqlarida yoki internet jahon axborot tarmog‘ida joylashtirish orqali haqorat qilish — BHMning ikki yuz baravaridan (68 million so‘m) to‘rt yuz baravarigacha (136 million so‘m) miqdorda jarima yoki ikki yuz qirq soatdan uch yuz soatgacha majburiy jamoat ishlari yoxud bir yildan ikki yilgacha axloq tuzatish ishlari bilan jazolanadi.
Oliy Majlis Qonunchilik palatasi 28-noyabr kuni yo‘l harakati xavfsizligi tizimini takomillashtirishga oid qonunni qabul qildi. Hujjat bilan davlat organlarining xizmat vazifasi davomida olingan foto-videoni internetda haqorat qilish maqsadida tarqatish uchun ma‘muriy javobgarlik, hatto 15 sutka qamoq jazosi belgilanmoqda. Mazkur norma “Ochiqlik siyosatiga zid” ekani jamoatchilik tomonidan urg‘ulangan.
Izoh (0)