Bugun,

Toshkentda

+23°C

USD 11095.31
RUB 173.84
EUR 10772.44

Mahalliy

7 fevral, 15:52

11200

“Ota bolasini, aka ukasini tanimaydi, chang-to‘zon, terlab-pishib har kim uloqni taqimiga bosish qayg‘usida” — Piskentdagi koʻpkaridan fotoreportaj

Maktab davrlarida Abdulla Qodiriyning “Uloqda” (1915-yil) hikoyasini oʻqib, unda tasvirlangan atmosferani his qilishga urinib koʻrmaganlar kamligi aniq. 5-fevral kuni Toshkent viloyatining Piskent tumanida boʻlib oʻtgan keng miqyosdagi koʻpkari oʻyini oʻsha tasavvurlarni yanada jonlantirib, milliy oʻyinlar, urf-odatlarga ishtiyoq, qiziqishni oshirsa, ajab emas. “Daryo” fotomuxbiri Dilruh Isomiddinova Piskentdagi avtodromda oʻtkazilgan ushbu uloq oʻyinidan fotoreportaj tayyorladi.

Koʻpkari tomoshasiga oʻz oʻrindiqlari bilan ketayotgan odamlar.

Avtodrom atrofidagi tomoshabinlar uzoqdan murabboli piyolaga yopirilgan chumolilardek koʻrinadi.

Etigi yechilib ketmasligi uchun ayrim chavandozlar shim va etik tutashgan joyni skotchlab olgan.

Egar sotuvchilar koʻpkari ishqibozlari bir yerga toʻplanganidan yaxshigina foydalanayotganga oʻxshaydi.

Kinoni bodroqsiz, koʻpkarini pistasiz tomosha qilib boʻlarmidi?

Tomoshabinlar tepalikdan oʻziga qulayroq joy topish uchun shoshmoqda.

Uloqda Oʻzbekistonning turli burchaklaridan, hatto qoʻshni respublikalardan ham chavandozlar ishtirok etdi.

Tepalikdagi “tribuna”dan qanoatlanmay, maydon chetidagi mashinalar yukxonasiga oʻrnashib olgan tomoshabinlar ham talaygina.

Chavandozlar har yerda tulporlarini koʻz-koʻz qilib choptirib yurishibdi.

Yutuq ilinjidagi uloqchilar tinmay otiga qamchi bosadi.

Nazoratchi masʼullar ham oʻz tulporlari bilan maydonda hozir-u nozir.

Tomoshabinlar orasida ayol kishi deyarli koʻrinmaydi, lekin turli yoshdagi er-yigitlarni topishingiz mumkin. Ular orasida kamerani xushlamaydiganlari ham bor.

“Qorin ochdi, nonushtasiz kelganmiz!”

Ayrimlar shunchaki qiziqishga yoki maydondan yaxshiroq tomosha qilaman deb ot minib kelganga oʻxshaydi.

Izohsiz.

Maydonda 100 mingdan ziyod chavandoz-u otlar jam boʻldi.

“Bos-bos, qamchi bos!”

Qora tulpor pishqirib, tanasidan bugʻ koʻtarilgancha sohibining izmidan chiqmay chopib kelayotir.

Otlar xalloslagan, koʻzi qizil qonga toʻlgan koʻyi yugurishga majol topadi.

“Suvlugʻini chaynatib, yoʻlda otni oʻynatib, choʻlda ketib boradi bir qalandar yoʻl tortib”.

“Yangi turmagim yaxshimi?”

“Taqimga bos, taqimga!”

“Yuganini bo‘shat, qamchingni tishlab ol!”

Uzbek Sheriff.

Gʻoliblarga qirqdan ortiq tuya va toy atab olib qoʻyilgan.

Ot gijinglab, xuddi toʻralarnikidek boʻlib turibdi. Kelasi safar bir uloq chopsinki...

“Ha, barakalla! Turgʻun chavandoz!”

Ayrim surat izohlari uchun xalq dostonlari va “Uloqda” hikoyasidagi jumlalardan foydalanildi.

Dilruh Isomiddinova

Fotomuxbir:

Dilruh Isomiddinova

Izoh(2) Biz Telegram’da

Ulashing:

Izoh

Elyor

7 fevral, 16:50 (0)

Uloqda sherik chavandozlar yonma yon yuradi, uloqdagi sharxlovchi davradagi uloq kimda ketayotganini xuddi futboldagidek sharxlab turadi

Javob berish

Elyor

7 fevral, 16:48 (0)

Maqolani nomi yaxshi chiqmabdi, avval ot haqida koproq òrganish, uni yaxshi korish kerak

Javob berish

Asosiy yangiliklar

Iqtisodiyot

Braziliya va Xitoy o‘rtasida savdoda dollardan voz kechilib, yuanga o‘tildi

Bugun, 10:35

Mahalliy

“O‘zgidromet” 1-aprel kuni qanday ob-havo bo‘lishini ma’lum qildi

Bugun, 10:39

Mahalliy

O‘zbekistonda har uchinchi ayol turmush o‘rtog‘i tomonidan o‘ziga nisbatan zo‘ravonlik sodir etilgan deb biladi

Bugun, 09:08