Qozog‘istondan tashrif buyurgan mehmonlar, yurtimizdagi taniqli blogerlar, jurnalistlar bilan birgalikda to‘rttala modeli jam bo‘lgan sakkizta BYD avtomobillarida Toshkent—Samarqand va xuddi shu yo‘nalishda orqaga qaytish uchun eng uzoq masofali test drayv qilib ko‘rishga bel bog‘ladik.
Maqsad: BYD uzoq yo‘lga qanchalik yaxshi bardosh bera olishini sinab ko‘rish, BYD bilan uzoq masofani bosib o‘tganda qanday qulayliklar bor-u, qanday diskomfort holatlar, shularni tekshirish. Sergelidagi BYD dilerida hamma yig‘ilib bo‘lgach, sahar mardonlab yo‘lga chiqdik.
Yo‘l davomida ruldagilar ratsiya orqali bir-birining holatlaridan boxabar bo‘lib ketishdi. Biz BYD Chazor da ketdik. Yo‘l davomida Chazor’ning chindan 7,3 sekundda 0—100 km ga chiqa olishini sinab ko‘rdik. Chindan Chazor 120-130 kmgacha faqat elektr energiyada, so‘ng yoqilg‘i bilan birgalikda quvvat sarf qila boshladi.
Ochig‘ini aytganda, tezkorlik bilan birga ushbu model o‘z xarakterida ishonch va jilovlab bo‘lmaydigan quvvatni uyg‘unlashtiradi va avtomobil boshqarishga bo‘lgan muhabbatni uyg‘otadi.
Uning saloniga to‘xtaladigan bo‘lsak, flagman modelidagi markaziy 15,6 dyuymli sensorli ekran (Comfort versiyasida 12,8 dyuym) mukammal burchak ostida aylanishi mumkin. BYD Chazor, shuningdek, Bluetooth va old va orqa USB quvvatlash portlari bilan jihozlangan. Sakkizta dinamikli yuqori sifatli audio tizim tovushning tozaligini taʼminlaydi, FM / AM radiosi standart komplektatsiyaga kiritilgan.
Tejamkorlik: 3.8 l/ 100 km. DM-i gibrid texnologiyasi 100 km uchun 3.8 l yonilg‘i sarfini (NEDC sikli bo‘yicha) taʼminlaydi, birlashtirilgan yoqilg‘i va elektr rejimida masofa zaxirasi 1245 km ni (NEDC sikli bo‘yicha) tashkil etadi.
Yana bir muhim afzallik — bu gibrid platforma uchun maxsus ishlab chiqilgan Blade batareyasi (18,3 kVt). Blade batareyasi maksimal xavfsizlik va chidamlilik, uzoq masofa va uzoq xizmat muddatini taʼminlaydi.
BYD elektr va gibrid avtomobillariga o‘rnatilgan Blade akkumulyator batareyasi xalqaro “nail penetration” sinovidan o‘tgan yagona akkumulyator batareyasi hisoblanadi. O‘tkazilgan sinov xulosalariga ko‘ra, akkumulyator batareyasiga shikast yetkazilgan nuqtasidan tutun va olov yuzaga kelishi kuzatilmaydi. Akkumulyator batareyasining tashqi harorati bor yo‘g‘i 30°C dan 60°C gacha ko‘tariladi.
360 gradusli panoramali kamera hamda old va orqa to‘xtash datchiklar haydovchilarga to‘xtash, orqaga harakatlanish yoki boshqa manyovrlar vaqtida yordam beradi.
Undan tashqari:
— Intellektual tormoz kuchlanishi;
— Blokirovkaga qarshi tormoz tizimi;
— Elektron to‘xtash tormozi;
— Barqarorlikni taʼminlovchi elektron kontroller;
— Tormozni elektron kuchaytirish tizimi;
— Tormozni gidravlik kuchaytirish tizimi;
— Tormoz kuchini elektron taqsimlash tizimi;
— Avtomobilni avtomatik ushlab turish tizimi;
— Dinamik nazorat tizimi… Xullas, gap bo‘lishi mumkin emas!
Samarqand sayohati davomida BYD ning tezligi va qulayligini his qildik. Uzoq masofali test-drayv davomida shuni tushundikki, uning batareyasi shunchaki super.
Safardan qaytishda ham Chazorda qaytdik. Chazor’ning favqulodda holatlarda avtomatik tormozlash, old va orqa to‘qnashuvlar haqida ogohlantirish, ko‘rinmas nuqtani aniqlash, tezlikni nazorat qilish, burilishda yordam, harakatlanayotgan qatorda ushlab turish yordamchisi, qatorni o‘zgartirish yordamchisi, svetoforni aniqlash va moslashuvchan kruiz nazorati kabi bir qator ADAS funksiyalarini birlashtirish orqali xavflarni oldindan sezishi bizga ma’qul keldi, albatta, boshqa modellarda funksiyalar bundan-da ko‘proq, lekin Chazor’da o‘zimizni ko‘proq qulay his qilganimiz uchun shu mashinani tanladik.
Undan tashqari, bir finjon qahva ichguningizga qadar to‘liq zaryadlay olishingiz eng ajoyib qulayliklaridan biri desam adashmagan bo‘laman. 17 kVt doimiy quvvatga ega zaryadlash porti tufayli ushbu modeldagi akkumulyatorni zaryadlash 20% dan 80% gacha bo‘lgan zaryad darajasigacha atigi yarim soat davom etadi va undan so‘ng mashina istalgan joyga harakatlanishga tayyor.
Sheriklik huquqi asosida.
Izoh (0)