Қозоғистондан ташриф буюрган меҳмонлар, юртимиздаги таниқли блогерлар, журналистлар билан биргаликда тўрттала модели жам бўлган саккизта BYD автомобилларида Тошкент—Самарқанд ва худди шу йўналишда орқага қайтиш учун энг узоқ масофали тест драйв қилиб кўришга бел боғладик.
Мақсад: BYD узоқ йўлга қанчалик яхши бардош бера олишини синаб кўриш, BYD билан узоқ масофани босиб ўтганда қандай қулайликлар бор-у, қандай дискомфорт ҳолатлар, шуларни текшириш. Сергелидаги BYD дилерида ҳамма йиғилиб бўлгач, саҳар мардонлаб йўлга чиқдик.
Йўл давомида рулдагилар рация орқали бир-бирининг ҳолатларидан бохабар бўлиб кетишди. Биз BYD Chazor да кетдик. Йўл давомида Chazorънинг чиндан 7,3 секундда 0—100 км га чиқа олишини синаб кўрдик. Чиндан Chazor 120-130 кмгача фақат электр энергияда, сўнг ёқилғи билан биргаликда қувват сарф қила бошлади.
Очиғини айтганда, тезкорлик билан бирга ушбу модел ўз характерида ишонч ва жиловлаб бўлмайдиган қувватни уйғунлаштиради ва автомобиль бошқаришга бўлган муҳаббатни уйғотади.
Унинг салонига тўхталадиган бўлсак, флагман моделидаги марказий 15,6 дюймли сенсорли экран (Comfort версиясида 12,8 дюйм) мукаммал бурчак остида айланиши мумкин. BYD Chazor, шунингдек, Bluetooth ва олд ва орқа USB қувватлаш портлари билан жиҳозланган. Саккизта динамикли юқори сифатли аудио тизим товушнинг тозалигини таъминлайди, ФМ / АМ радиоси стандарт комплектацияга киритилган.
Тежамкорлик: 3.8 л/ 100 км. ДМ-и гибрид технологияси 100 км учун 3.8 л ёнилғи сарфини (NEDC цикли бўйича) таъминлайди, бирлаштирилган ёқилғи ва электр режимида масофа захираси 1245 км ни (NEDC цикли бўйича) ташкил этади.
Яна бир муҳим афзаллик — бу гибрид платформа учун махсус ишлаб чиқилган Blade батареяси (18,3 кВт). Blade батареяси максимал хавфсизлик ва чидамлилик, узоқ масофа ва узоқ хизмат муддатини таъминлайди.
BYD электр ва гибрид автомобилларига ўрнатилган Blade аккумулятор батареяси халқаро “наил пенетратион” синовидан ўтган ягона аккумулятор батареяси ҳисобланади. Ўтказилган синов хулосаларига кўра, аккумулятор батареясига шикаст етказилган нуқтасидан тутун ва олов юзага келиши кузатилмайди. Аккумулятор батареясининг ташқи ҳарорати бор йўғи 30°C дан 60°C гача кўтарилади.
360 градусли панорамали камера ҳамда олд ва орқа тўхташ датчиклар ҳайдовчиларга тўхташ, орқага ҳаракатланиш ёки бошқа манёврлар вақтида ёрдам беради.
Ундан ташқари:
— Интеллектуал тормоз кучланиши;
— Блокировкага қарши тормоз тизими;
— Электрон тўхташ тормози;
— Барқарорликни таъминловчи электрон контроллер;
— Тормозни электрон кучайтириш тизими;
— Тормозни гидравлик кучайтириш тизими;
— Тормоз кучини электрон тақсимлаш тизими;
— Автомобильни автоматик ушлаб туриш тизими;
— Динамик назорат тизими… Хуллас, гап бўлиши мумкин эмас!
Самарқанд саёҳати давомида BYD нинг тезлиги ва қулайлигини ҳис қилдик. Узоқ масофали тест-драйв давомида шуни тушундикки, унинг батареяси шунчаки супер.
Сафардан қайтишда ҳам Chazorда қайтдик. Chazorънинг фавқулодда ҳолатларда автоматик тормозлаш, олд ва орқа тўқнашувлар ҳақида огоҳлантириш, кўринмас нуқтани аниқлаш, тезликни назорат қилиш, бурилишда ёрдам, ҳаракатланаётган қаторда ушлаб туриш ёрдамчиси, қаторни ўзгартириш ёрдамчиси, светофорни аниқлаш ва мослашувчан круиз назорати каби бир қатор АДАС функцияларини бирлаштириш орқали хавфларни олдиндан сезиши бизга маъқул келди, албатта, бошқа моделларда функциялар бундан-да кўпроқ, лекин Chazorъда ўзимизни кўпроқ қулай ҳис қилганимиз учун шу машинани танладик.
Ундан ташқари, бир финжон қаҳва ичгунингизга қадар тўлиқ зарядлай олишингиз энг ажойиб қулайликларидан бири десам адашмаган бўламан. 17 кВт доимий қувватга эга зарядлаш порти туфайли ушбу моделдаги аккумуляторни зарядлаш 20% дан 80% гача бўлган заряд даражасигача атиги ярим соат давом этади ва ундан сўнг машина исталган жойга ҳаракатланишга тайёр.
Шериклик ҳуқуқи асосида.
Изоҳ (0)