Birlashgan Millatlar Tashkiloti (BMT) “Tolibon” harakati bilan hamkorlik qilish shartlarini aniq belgilab berdi. Bu haqda Sputnik Afg‘oniston xabar berdi.
BMT Xavfsizlik kengashi Afg‘onistondagi vaziyat bo‘yicha hisobotidan so‘ng, bu davlat hukumatida ayollar bo‘lmasa, “Tolibon” bilan global hamkorlik bo‘lmasligini aytdi.
“Afg‘onistonning BMTdagi vakolatxonasi va ‘Tolibon’ bilan boshqa global aloqalarga bu mamlakat hukumatida afg‘on ayollari bo‘lmasa, ishonib bo‘lmaydi. Afg‘onistonning xalqaro institutlar va tizimlarga har qanday rasmiy reintegratsiyasi afg‘on ayollarining ishtirokini talab qiladi.
Xotin-qizlarning asosiy huquqlari, jumladan, ta’lim olish, mehnat qilish, jamoat va siyosiy hayotda vakillik qilish huquqlari hukumatning asosiy mas’uliyatining bir qismi bo‘lishdan tashqari, uzoq muddatli va iqtisodiy o‘sish salohiyatini oshirishda zarurdir”, — deyildi BMT Xavfsizlik kengashida.
Afg‘onistonda ayollarga nisbatan joriy qilingan taqiqlar quyidagilar:
- afg‘onistonlik ayollarning BMT idoralarida ishlashi;
- erkaklarga ayollar uchun kiyim tikish;
- ayollarning erkak shifokorlarga borishi;
- ayollarning shifoxonaga yolg‘iz borishi;
- ayollarning istirohat bog‘iga tashrif buyurishi,
- oilalar va ayollarning bog‘lari yoki yashil hududlari bo‘lgan restoranlarga kirishi,
- ayollar ovozi eshitilgan reklamalarni efirga uzatish taqiqlangan.
Izoh (0)