Bolgariyada parranda grippining navbatdagi epidemiyasi qayd etildi. Bu haqda Bolgariya oziq-ovqat xavfsizligi agentligi (BAFSA) ma’lum qildi.
Mamlakatning shimoli-sharqiy qismidagi Dobrich shahri yaqinidagi fermada virusli kasallik aniqlandi, oqibatda 180 mingga yaqin tuxum qo‘yuvchi tovuqlar yo‘q qilinadi.
Oktyabr oyida BAFSA 170 mingga yaqin tuxum qo‘yuvchi tovuqlar bo‘lgan Pazardjik shahri hududida, shuningdek, 395 mingga yaqin parranda bo‘lgan Veliko Tırnovo shahri hududida kasallik tarqalgani haqida xabar bergandi.
Yangi infeksiya o‘chog‘idan 3 km radiusda profilaktika va karantin tadbirlari o‘tkazilib, barcha fermer xo‘jaliklarida veterinariya nazorati kuchaytirildi. 10 kilometrlik zonada kuzatuv joriy etildi. Parrandalar va ulardan tayyorlangan mahsulotlarni tashish taqiqlanadi. Barcha fermadagi tovuqlar yo‘q qilinishi bo‘yicha qaror qabul qilindi.
Izoh (0)