Qashqadaryo viloyatining Nishon tumani hokimi Muxtor Hayitmurodov ishdan olingani haqida xabar berilgandi. Hokimlik axborot xizmati rahbari Ilyos Mahmudov xabarni rad etdi.
Ijtimoiy tarmoqlarda tuman hokimi Muxtor Hayitmurodovning lavozimidan ozod etilishi mumkinligi haqidagi xabarlar tarqalmoqda. Bu gaplar haqiqatga to‘g‘ri kelmaydi. Nishon tumani hokimi Muxtor Hayitmurodov ayni paytda o‘z ishini davom ettirmoqda va kun tartibiga muvofiq, belgilangan vazifalar, chora-tadbirlar ijrosi bilan band. Tasdiqlanmagan axborotlarni tarqatish qonunchilikka muvofiq javobgarlikka sabab bo‘lishini eslatamiz, — deydi Muxtor Hayitmurodovning matbuot kotibi.
Nishon tumani hokimi Muxtor Hayitmurodov Nishon tumaniga dastlab 2012-yil hokim etib tayinlangan bo‘lib, 2016-yilgacha rahbarlikni amalga oshirgandi. 2018-yildan yana qayta tuman hokimi sifatida ish boshlagan Muxtor Hayitmurodov ayni kungacha tumanni boshqarib kelmoqda.
Avvalroq viloyatning Qarshi, Dehqonobod tumanlari va Shahrisabz shahrida hokim almashgandi. Prezidentning viloyatga tashrifi chog‘ida Qarshi tumanidagi maktab va tuman tibbiyot birlashmasining ayanchli ahvoli davlat rahbarini ranjitgach, tuman hokimi Behzod Yusupov lavozimidan olinib, o‘rniga ayni kunga qadar Dehqonobod tumani hokimi sifatida ishlab kelgan Zoir Aliqulov tayinlangandi. Zoir Aliqulov o‘rnini esa Shahrisabz shahriga rahbarlik qilib kelgan Akrom Sulaymonov egallagan. Akrom Sulaymonovning birinchi o‘rinbosari sifatida faoliyat yuritib kelgan Akamurod Uzoqovga Shahrisabz shahar hokimi vazifasini vaqtincha bajarish yuklatildi.
Izoh (0)