Vazirlar Mahkamasining tegishli topshirig‘i bilan 2024-yil uchun doktorantura va mustaqil izlanuvchilikka hujjat qabul qilish muddatlari 2023-yil 10-noyabrga qadar, kirish imtihonlarini tashkil etish 30-noyabrga qadar uzaytirildi. Bu haqda Telegram’dagi “Ta’lim nazorati” kanali xabar berdi.
Ilmiy tadqiqot bilan shug‘ullanuvchilarning xorijiy tillarni bilish darajasini belgilovchi milliy yoki unga mos darajadagi xalqaro sertifikatlarni olish uchun Bilim va malakalarni baholash agentligi tomonidan qo‘shimcha tarzda 21-22-oktyabr kunlari imtihon o‘tkaziladi.
2024-yil uchun oliy taʼlimdan keyingi taʼlimning barcha shakllariga qabul hujjatlari 10-noyabriga qadar (shu kun ham kiradi) qabul qilinadi. Kirish imtihonlari esa 30-noyabrga qadar uzaytirilgan.
O‘zbekistonda 2023/2024-o‘quv yili uchun OTMlarning bakalavriat ta’lim yo‘nalishlariga kirish test sinovlari natijalariga ko‘ra 193 421 nafar abituriyent talabalikka tavsiya etilgandi. Test sinovi natijalariga ko‘ra talabalikka tavsiya etilgan abituriyentning 52 foizi erkaklar, 48 foizi esa ayollar hissasiga to‘g‘ri kelgan. Avvalroq mamlakatda kollej va texnikumlarda ta’lim olayotgan qizlarga grant ajratilishi ma’lum bo‘lgan edi.
Izoh (0)