Prezident Shavkat Mirziyoyev tavsiyasi bilan Bag‘dod tumanidagi 5 nafar yoshlar universitet va institutga o‘qishga qabul qilindi. Bu haqda Farg‘ona viloyati hokimligi xabar berdi. Maʼlum qilinishicha, Oliy taʼlim, fan va innovatsiyalar vaziri Ibrohim Abdurahmonov shaxsan o‘zi borib, prezident tavsiyasi bilan o‘qishga davlat granti asosida qabul qilingan talabalarga sertifikatlarni topshirgan.
Hokimlik xabarida prezidentning bunday eʼtibori butun mahalla ahlini, ota-onalarni behad mamnun etgani yozilgan.
“Oliy taʼlim, fan va innovatsiyalar vaziri Ibrohim Abdurahmonov va oliy taʼlim muassasalari rektorlari mazkur mahallada bo‘lib, davlat rahbarining tavsiyasi asosida yoshlarga davlat granti asosida o‘qishga qabul qilingani haqidagi sertifikatlarni topshirdi. Prezidentning bunday eʼtibori butun mahalla ahlini, ota-onalarni behad mamnun etdi”,— deyiladi manba xabarida.
.jpg)
Qayd etilishicha, prezident tavsiyasi asosida
- Davlatoy Qo‘rchiyeva Qo‘qon davlat pedagogika instituti,
- Oygul Saminjonova Toshkent davlat moliya instituti,
- Omadbek Turg‘unboyev Toshkent davlat stomatologiya institutining bakalavriat yo‘nalishiga,
- Hojiahror G‘iyosiddinov Farg‘ona davlat universiteti,
- Dilyoraxon Turg‘unboyeva Toshkent davlat pedagogika universitetining magistratura bosqichiga o‘qishga qabul qilingan.
Avvalroq Prezident Shavkat Mirziyoyev 27—28-iyul kunlari Farg‘ona viloyatiga tashrif buyurgandi.
Izoh (0)