Вазирлар Маҳкамасининг тегишли топшириғи билан 2024 йил учун докторантура ва мустақил изланувчиликка ҳужжат қабул қилиш муддатлари 2023 йил 10 ноябрга қадар, кириш имтиҳонларини ташкил этиш 30 ноябрга қадар узайтирилди. Бу ҳақда Telegram’даги “Таълим назорати” канали хабар берди.
Илмий тадқиқот билан шуғулланувчиларнинг хорижий тилларни билиш даражасини белгиловчи миллий ёки унга мос даражадаги халқаро сертификатларни олиш учун Билим ва малакаларни баҳолаш агентлиги томонидан қўшимча тарзда 21-22 октябрь кунлари имтиҳон ўтказилади.
2024 йил учун олий таълимдан кейинги таълимнинг барча шаклларига қабул ҳужжатлари 10 ноябрига қадар (шу кун ҳам киради) қабул қилинади. Кириш имтиҳонлари эса 30 ноябрга қадар узайтирилган.
Ўзбекистонда 2023/2024-ўқув йили учун ОТМларнинг бакалавриат таълим йўналишларига кириш тест синовлари натижаларига кўра 193 421 нафар абитуриент талабаликка тавсия этилганди. Тест синови натижаларига кўра талабаликка тавсия этилган абитуриентнинг 52 фоизи эркаклар, 48 фоизи эса аёллар ҳиссасига тўғри келган. Аввалроқ мамлакатда коллеж ва техникумларда таълим олаётган қизларга грант ажратилиши маълум бўлган эди.
Изоҳ (0)