EXEED kompaniyasi Xitoyga o‘zbekistonlik OAV vakillari uchun media-tur tashkil etgani xabar qilingandi. Media-tur doirasida kompaniya tomonidan ishlab chiqarilgan so‘nggi rusumdagi uchta avtomobil taqdimoti bo‘lib o‘tdi.
Taqdimotda yangi modeldagi avtomobillar ekotizimining sifati yanada oshirilgani, ularni boshqarish doimgidan-da qulaylashtirilgani alohida taʼkidlandi.
EXEED International bosh direktori Qin Chao kompaniya kashfiyotlar chegaralarini buzib o‘tishda davom etayotganini aytdi.
“EXEED o‘z mohiyatiga ko‘ra chegaralarni buzish va izlanish ruhini kuchaytirishda davom etadi. Aytish kerakki, RX modeli ikkinchi avlod avtomobillari davrini boshlab berdi. 2024-yil uchun ko‘plab innovatsiyalar qilishga vaʼda bergan kompaniyamiz nafaqat ichki yonuv dvigatelli avtomobillarni, balki yangi elektromobillarni, shu jumladan, hashamatli EXLANTIX ES modelini ham ishlab chiqarishni o‘z zimmasiga oldi. Biz doimiy izlanishdamiz”, — dedi u.
Taqdimotda foydalanuvchilarning fikr-mulohazalari kelgusidagi innovatsiyalar va mahsulotlarni yaratish, tajribani yanada yaxshilash uchun qimmatli ekani aytildi.
Kompaniyaning brend aloqalari bo‘yicha direktori Zheng Jiye Xi EXEEDning mohiyati haqida gapirdi.
“EXEED nomi ‘nomaʼlumni o‘rganish‘ degan maʼnoni anglatadi. Brendni shakllantirishda inson kashfiyoti muhim. O‘tgan 20 yildan ortiq vaqt davomidagi izlanishlar bizni bugungi EXEEDga olib keldi”, — dedi mutaxassis.
Maʼlum qilinishicha, bugungi kunda kompaniya Yaqin Sharq, Yevropa va Janubiy Amerikadagi bozorlarga sezilarli qadamlar qo‘ydi. Hozirda butun dunyo bo‘ylab 180 mingdan ortiq avtomobil egalari EXEEDni tanlagan.
Tadbir davomida EXEEDning uchta yangi avtomobili—VX, RX va ES modellari taqdim etildi. Ularning o‘ziga xos jihatlari to‘g‘risida maʼlumot berildi. Xususan, yangi avlod avtomobillari hisoblangan VX avtomobili yetakchilar va biznes elitalari uchun yuqori darajadagi hayot sifatini taklif etishi aytildi.
EXEED tomonidan ilk bor taqdim etilayotgan elektromobil eng zamonaviy texnologiyalarni o‘zida jamlagan ES hisoblanadi. Kompaniya masʼullarining maʼlum qilishlaricha, yangi modeldagi avtomobillar tez kunlarda sotuvga chiqariladi.
Ma’lumot uchun, EXEED bundan to‘rt oy oldin O‘zbekiston bozoriga ham kirib kelgan. Kompaniyaning Toshkent shahrida ikkita, Urganch va Farg‘onada bittadan savdo markazlari mavjud.
Sotuvdagi avtomobillar haqida quyidagi manbalardan ma’lumot olish mumkin:
Izoh (0)