EXEED компанияси Хитойга ўзбекистонлик ОАВ вакиллари учун медиа-тур ташкил этгани хабар қилинганди. Медиа-тур доирасида компания томонидан ишлаб чиқарилган сўнгги русумдаги учта автомобиль тақдимоти бўлиб ўтди.
Тақдимотда янги моделдаги автомобиллар экотизимининг сифати янада оширилгани, уларни бошқариш доимгидан-да қулайлаштирилгани алоҳида таъкидланди.
EXEED International бош директори Қин Чао компания кашфиётлар чегараларини бузиб ўтишда давом этаётганини айтди.
“EXEED ўз моҳиятига кўра чегараларни бузиш ва изланиш руҳини кучайтиришда давом этади. Айтиш керакки, РХ модели иккинчи авлод автомобиллари даврини бошлаб берди. 2024 йил учун кўплаб инновациялар қилишга ваъда берган компаниямиз нафақат ички ёнув двигателли автомобилларни, балки янги электромобилларни, шу жумладан, ҳашаматли EXLАНТIX ES моделини ҳам ишлаб чиқаришни ўз зиммасига олди. Биз доимий изланишдамиз”, — деди у.
Тақдимотда фойдаланувчиларнинг фикр-мулоҳазалари келгусидаги инновациялар ва маҳсулотларни яратиш, тажрибани янада яхшилаш учун қимматли экани айтилди.
Компаниянинг бренд алоқалари бўйича директори Зҳенг Жие Хи EXEEDнинг моҳияти ҳақида гапирди.
“EXEED номи ъномаълумни ўрганишъ деган маънони англатади. Брендни шакллантиришда инсон кашфиёти муҳим. Ўтган 20 йилдан ортиқ вақт давомидаги изланишлар бизни бугунги EXEEDга олиб келди”, — деди мутахассис.
Маълум қилинишича, бугунги кунда компания Яқин Шарқ, Европа ва Жанубий Америкадаги бозорларга сезиларли қадамлар қўйди. Ҳозирда бутун дунё бўйлаб 180 мингдан ортиқ автомобиль эгалари EXEEDни танлаган.
Тадбир давомида EXEEDнинг учта янги автомобили—VX, РХ ва ES моделлари тақдим этилди. Уларнинг ўзига хос жиҳатлари тўғрисида маълумот берилди. Хусусан, янги авлод автомобиллари ҳисобланган VX автомобили етакчилар ва бизнес элиталари учун юқори даражадаги ҳаёт сифатини таклиф этиши айтилди.
EXEED томонидан илк бор тақдим этилаётган электромобил энг замонавий технологияларни ўзида жамлаган ES ҳисобланади. Компания масъулларининг маълум қилишларича, янги моделдаги автомобиллар тез кунларда сотувга чиқарилади.
Маълумот учун, EXEED бундан тўрт ой олдин Ўзбекистон бозорига ҳам кириб келган. Компаниянинг Тошкент шаҳрида иккита, Урганч ва Фарғонада биттадан савдо марказлари мавжуд.
Сотувдаги автомобиллар ҳақида қуйидаги манбалардан маълумот олиш мумкин:
Изоҳ (0)