Yevropada COVID-19 bilan kasallanish holatlari soni ortib bormoqda. Bu haqda Euronews ma’lum qildi.
Fransiya, Germaniya, Ispaniya, Polsha va Bolgariya kabi Yevropa davlatlari qayta emlanishga borgan sari ko‘proq chaqirayotgani xabar qilinmoqda.
Biroq Germaniya Sog'liqni saqlash vazirligi hozircha umumiy karantinga ehtiyoj yo'qligini aytdi. Qayd etilishicha, burun oqishi, tomoq og‘rig‘i va yo‘tal kasallikning asosiy belgilaridir.
“Uyda 3-5 kun qolib, bu alomatlar yo‘qolguncha boshqa odamlar bilan aloqa qilmaslik tavsiya etiladi. Agar kerak bo'lsa, shifokor bilan maslahatlashing”, — deyiladi Yevropa mamlakatlari Sog'liqni saqlash vazirliklari xabarnomasida.
Avvalroq AQSHda koronavirusga qarshi vaksinalar narxi keskin oshgani ma’lum qilingandi. Newsweek AQSH Kasalliklarni nazorat qilish va oldini olish markazlari (CDC) Pfizer va Moderna vaksinalarining ikki dozasi uchun 80 dollardan ko‘proq to‘layotganini xabar bergan.