Европада COVID-19 билан касалланиш ҳолатлари сони ортиб бормоқда. Бу ҳақда Euronews маълум қилди.
Франция, Германия, Испания, Польша ва Болгария каби Европа давлатлари қайта эмланишга борган сари кўпроқ чақираётгани хабар қилинмоқда.
Бироқ Германия Соғлиқни сақлаш вазирлиги ҳозирча умумий карантинга эҳтиёж йўқлигини айтди. Қайд этилишича, бурун оқиши, томоқ оғриғи ва йўтал касалликнинг асосий белгиларидир.
“Уйда 3-5 кун қолиб, бу аломатлар йўқолгунча бошқа одамлар билан алоқа қилмаслик тавсия этилади. Агар керак бўлса, шифокор билан маслаҳатлашинг”, — дейилади Европа мамлакатлари Соғлиқни сақлаш вазирликлари хабарномасида.
Аввалроқ АҚШда коронавирусга қарши вакциналар нархи кескин ошгани маълум қилинганди. Newsweek АҚШ Касалликларни назорат қилиш ва олдини олиш марказлари (CDC) Pfizer ва Moderna вакциналарининг икки дозаси учун 80 доллардан кўпроқ тўлаётганини хабар берган.
Изоҳ (0)