Gruziyaning Guriya viloyatidagi Shekvetili kurortida ko‘prik qulab tushdi. Oqibatda Natanebi daryosi bo‘ylab harakatlanish cheklangan. Bu haqida “Rustavi 2” telekompaniyasi ma’lum qildi.
Voqea bugun, 3-oktyabr kuni tushdan keyin sodir bo‘lgan. Hodisa joyiga patrul politsiya otryadlari safarbar qilingan. Hudud o‘rab olingan. Transport vositalari aylanma yo‘lga yo‘naltirilmoqda.
Guriyada kuchli yog‘ingarchilik ikki kundan beri davom etmoqda. Ozurgeti viloyati aholisi Bjuja daryosining qirg‘oqlaridan toshib ketishidan aziyat chekdi. Turar-joy binolarining birinchi qavatlari, tomorqa maydonlari, ko‘chalar suv ostida qolgan.
Mahalliy hokimiyat organlari hozirda tabiiy ofat natijasida yetkazilgan zararni baholamoqda.
Izoh (0)