Қозоғистоннинг Қараған шаҳри иссиқлик электр станциясида рўй берган авария туфайли электр таъминотидан узилиб қолди, деб ёзмоқда “Закон.кз”. ИESда авария бугун эрталаб юз берган. Шу сабабли бутун шаҳарда электр энергияси ўчган.
“Қарағанда, бутун шаҳар электр энергиясиз қолди. Ҳокимият бунинг сабабини билмаслигини, Жарик билан боғланишнинг иложи йўқлигини айтмоқда. Одамларнинг айтишича, шаҳарни энергия билан таъминловчи ИЭСда жиддий авария юз берган”, — деди нашрга қарағандаликлар.
Қарғанда вилояти ҳокимлиги энергетика объектида авария юз берганини тасдиқлади. Бироқ вилоят раҳбари содир бўлган воқеанинг бошқа тафсилотларини келтирмади.
“Ҳурматли Қарағанда вилояти аҳолиси, бугун эрталаб Қарағанда шаҳрининг ИЭС-3 ва Тапарская ГРЭС-2 да авария ҳолати юзага келди. ИЭС-3 да ҳимояни фаоллаштириш шаклида технологик қоидабузарлик содир бўлди, натижада 220 кВ очиқ коммутатор ўчирилди. Сабаб ва ҳолатларга ойдинлик киритилмоқда”, — деди Қарағанда вилояти ҳокими Эрмаганбет Булекпаев.
Маҳаллий ижроия органи электр таъминотисиз қолган абонентларнинг аниқ сонига ҳам аниқлик киритилаётганини таъкидлади. Вилоят раҳбари топшириғи билан ҳокимнинг биринчи ўринбосари воқеа содир бўлган станцияга бориб, воқеанинг барча ҳолатларини ўрганди. Бироқ вилоят ҳокимлиги электр таъминоти қачон тўлиқ тикланишини маълум қилгани йўқ.
Аввал ушбу вилоят аҳолиси табиий офатни бошдан кечирганди. Кучли ёғингарчиликдан сўнг шаҳар кўчалари сув остида қолган, канализация тизими кучли ёмғир оқибатларига бардош бера олмаган.
Изоҳ (0)