Bugun, 20-sentabr kuni Milliy matbuot markazida O‘zbekistonda keng ko‘lamli STADA Health Report 2023 tadqiqotining natijalari taqdim etildi.
STADA sog‘liqni saqlash masalalari bo‘yicha Human8 tadqiqot kompaniyasini jalb etgan holda xalqaro jamoatchilik fikri so‘rovini o‘tkazgan. Unga O‘zbekistonda “Ijtimoiy fikr” markazi hamkorlik qilgan.
Markaz telefon yordamida o‘tkazilgan so‘rovnoma orqali maʼlumotlar yig‘gan. Har bir mamlakatda 2000 ga yaqin odam so‘rovnomada (18 yoshdan 99 yosh oralig‘ida), 32 ming 13 respondent tadqiqotda ishtirok etgan.
Aytilishicha, so‘nggi 12 oy davomida O‘zbekiston aholisining tez-tez profilaktik tibbiy ko‘rikdan o‘ta boshlagani salomatlikni asrash, samarali davolanish imkoniyatlarini oshirish maqsadida kasalliklarni dastlabki bosqichda aniqlashda asosiy omil bo‘lmoqda. Buni o‘zbeklarning 22 foizi (yevropaliklarning 17 foizi, qozoqlarning 19 foizi) qayd etgan.
“Eng ommabop skrining muolajasi — terapevtik ko‘rik bo‘lib, O‘zbekiston fuqarolarining 58 foizi muntazam tekshiruvdan o‘tadi (Yevropada o‘rtacha 55 foiz, Qozog‘istonda 64 foiz). O‘zbekistonda ikkinchi o‘rinni umumiy qon tekshiruvi — 45 foiz (Yevropada 42 foiz, Qozog‘istonda ham 71 foiz ulush bilan ushbu tekshiruv ikkinchi o‘rinda) egallagan.
O‘zbekistonda eng ko‘p tashrif buyuriladigan tibbiy ko‘riklar ro‘yxatida uchinchi o‘rinni stomatologik ko‘rik egalladi: aholidan 28 foizi bu ko‘rikdan muntazam tarzda o‘tib turadi (Yevropada 61 foiz, Qozog‘istonda 45 foiz ulush bilan to‘rtinchi o‘rinda)”, — deyiladi tadqiqotda.
Qo‘shimcha qilinishicha, O‘zbekistonda respondentlarning 38 foizi barcha tibbiy profilaktika ko‘riklaridan o‘tadi. Shuningdek, 37 foiz respondentlar esa ularning maʼlum bir qismidan o‘tishini qayd etgan. Hech qanday tekshiruvdan o‘tmasligini taʼkidlagan respondentlarning ulushi esa 25 foizni tashkil etdi (44 foiz yevropalik, 57 foiz qozog‘istonlik).
Avvalroq O‘zbekiston aholisining 26 foizi dori-darmonlarga xarajatlarni qisqartirgani ma’lum qilingan edi.
Mavzuga doir:
- O‘zbekistonda davlat hisobidan tibbiy yordam ko‘rsatiladigan imtiyozli toifadagi shaxslar ro‘yxati kengaytirildi
- Toshkentdagi tibbiyot muassasalarida davlat tibbiy sug‘urtasi mexanizmi joriy etiladi
- O‘zbekistonda tibbiyot muassasalarga murojaat qilishda qulayliklar yaratilib, navbatlarga chek qo‘yiladi
Izoh (0)