Amerikalik biznesmen Ilon Maskning Neuralink neyrotexnologiya kompaniyasi miya implantlarini o‘rnatish bo‘yicha klinik sinovlar uchun ko‘ngillilarni jalb qilishni boshladi. Bu haqda Neuralink saytida xabar berildi.
Taxminan 6 yil davom etayotgan tadqiqot inson miyasining harakatga mas’ul bo‘lgan qismiga R1 jarrohlik robotidan foydalangan holda miya-kompyuter interfeysini (BCI) o‘rnatishni nazarda tutadi. Kompaniya o‘zining birinchi sinovi uchun orqa miyaning bo‘yin qismi shikastlanishi tufayli falaj bo‘lgan yoki lateral amiotrofik sklerozga chalingan bemorlarni tanlamoqda.
Sinovda implant va uni o‘rnatadigan jarrohlik robotining xavfsizligi, falaj odamlarga tashqi qurilmalarni o‘z fikrlari bilan boshqarishga imkon beruvchi BCI chipining samarasi baholanadi. Robot jarrohlik yo‘li bilan ultrayupqa va egiluvchan implant iplarini miyaning harakatlanishga mas’ul qismiga joylashtiradi.
Implantatsiya qilinadigan chip miya signallarini simsiz ravishda dasturga uzatadi, u orqali odamning harakatlanish maqsadi ma’lum bo‘ladi.
Nueralink qanday kompaniya?
Neuralink tashqi qurilmalarni fikr kuchi bilan boshqarishga yordam beradigan mikrochip ishlab chiqmoqda. U falaj odamlarning miyasiga o‘rnatilganda ularga turli harakatlarni bajarishga yordam berishi kerak. Kompaniya hayvonlar ustida ko‘plab tajribalar o‘tkazgan. Neuralink dekabr oyida hayvonlarga nisbatan shafqatsizlikda ayblangan, unga qarshi tergovni boshlangandi.
Izoh (0)