AQSH Transport departamenti Ilon Maskning miya chiplari ishlab chiqaruvchi Neuralink kompaniyasiga nisbatan tekshiruv boshladi. Bu haqda CNBC xabar berdi.
Neuralink kompaniyasi apparatlarni noto‘g‘ri qadoqlagani va tashigani, bu esa insonlar uchun xavfli bo‘lgan patogenlarni keltirib chiqargani aytilmoqda. “Tibbiyotga ma’sul shifokorlar qo‘mitasi”ning hayvonlarni himoya qiluvchi guruhi shu hafta AQSH transport vaziri Pitt Butijichga maktub yuborgan. Unda tashkilot vakillari 2019-yilda Neuralink primatlarning miyasidan olingan qurilmalarni noto‘g‘ri ishlatgan bo‘lishi mumkinligini ko‘rsatuvchi hujjatlarga egaligi keltiriladi.
Uskunalarda gerpes B virusi va antibiotiklarga chidamli patogenlar, jumladan stafilokokk va klebsiyella bo‘lishi mumkin. Transport vazirligi tergov “standart amaliyot" ekani va u jamoat xavfsizligini ta’minlash uchun o‘tkazilayotganini ta’kidladi.
Nueralink qanday kompaniya?
Neuralink tashqi qurilmalarni fikr kuchi bilan boshqarishga yordam beradigan mikrochip ishlab chiqmoqda. U falaj odamlarning miyasiga o‘rnatilganda ularga turli harakatlarni bajarishga yordam berishi kerak. Kompaniya hayvonlar ustida ko‘plab tajribalar o‘tkazgan. Neuralink dekabr oyida hayvonlarga nisbatan shafqasizlikda ayblangan, unga qarshi tergovni boshlangandi.
Izoh (0)