“Daryo”da “Andijon shahrida jamoat transportida yurish narxlari o‘zgardi. Biroq hokimlik buni OAVda e’lon qilmadi”, sarlavhali material e’lon qilingandi. Viloyat hokimligi axborot xizmati bunga munosabat bildirib, holatni tan oldi.
Bu borada “Daryo” nashri to‘liq haqli ravishda ma’lumot bergan. Qarorlar e’loni bo‘yicha ish yuritishga mas’ul matbuot xizmati xodimi bilan ushbu holat bo‘yicha suhbat o‘tkazilib, bu holatga yo‘l qo‘ymaslik va agarda yana takrorlangan taqdirda intizomiy jazo chorasi qo‘llanilishi tushuntirildi, — deyiladi hokimlik munosabatida.
Ma’lum bo‘lishicha, matbuot xizmati ushbu qaror haqida avgust oyi o‘rtalarida brifing tashkil etgan holda aholiga ma’lumot bergan. Yo‘l haqqi narxlarining oshishi haqidagi qaror, bir necha kun jamoatchilik muhokamasida turgan. Tasdiqlangan kundan 6 kun o‘tib, e’lon qilingan.
Qo‘shimcha qilinishicha, jamoat transportidagi narxlar o‘zgargani haqidagi qaror hafta oxirlarida (matbuot xizmati rahbari holatdan xabar topib, ko‘rsatma berganidan keyin) hokimlikning rasmiy sahifasiga joylangan.
Izoh (0)