“Дарё”да “Андижон шаҳрида жамоат транспортида юриш нархлари ўзгарди. Бироқ ҳокимлик буни ОАВда эълон қилмади”, сарлавҳали материал эълон қилинганди. Вилоят ҳокимлиги ахборот хизмати бунга муносабат билдириб, ҳолатни тан олди.
Бу борада “Дарё” нашри тўлиқ ҳақли равишда маълумот берган. Қарорлар эълони бўйича иш юритишга масъул матбуот хизмати ходими билан ушбу ҳолат бўйича суҳбат ўтказилиб, бу ҳолатга йўл қўймаслик ва агарда яна такрорланган тақдирда интизомий жазо чораси қўлланилиши тушунтирилди, — дейилади ҳокимлик муносабатида.
Маълум бўлишича, матбуот хизмати ушбу қарор ҳақида август ойи ўрталарида брифинг ташкил этган ҳолда аҳолига маълумот берган. Йўл ҳаққи нархларининг ошиши ҳақидаги қарор, бир неча кун жамоатчилик муҳокамасида турган. Тасдиқланган кундан 6 кун ўтиб, эълон қилинган.
Қўшимча қилинишича, жамоат транспортидаги нархлар ўзгаргани ҳақидаги қарор ҳафта охирларида (матбуот хизмати раҳбари ҳолатдан хабар топиб, кўрсатма берганидан кейин) ҳокимликнинг расмий саҳифасига жойланган.
Изоҳ (0)