“O‘zaviatsiya” agentligi direktori Germaniyaning Lufthansa aviakompaniyasi vakillari bilan O‘zbekistonga parvozlarni tiklash masalasini muhokama qildi.
Agentlik matbuot xizmatining bildirishicha, uchrashuv transport va logistika aloqalarini mustahkamlash, o‘zaro turistik oqimlarni ko‘paytirish, shuningdek, O‘zbekiston va Germaniya o‘rtasida yangi sayyohlik yo‘nalishlarini yaratish maqsadida tashkil etildi.
Uchrashuv davomida Lufthansa aviakompaniyasi tomonidan Frankfurt—Toshkent yo‘nalishida muntazam parvozlarni yo‘lga qo‘yish masalasi ham muhokama qilindi.
1993-yildan 2001-yilgacha Lufthansa Toshkentdan Frankfurtga doimiy yo‘lovchi reyslarini amalga oshirgan. Yo‘nalish 2001-yil 11-sentabr hodisalaridan so‘ng aviatashuvlarga talab tushib ketgani munosabati bilan yopilgan. Reyslar 2010-yilda qayta tiklangan, biroq tez orada yana to‘xtatilgan.
2010-yilda aviakompaniya Toshkentga parvozlarni tikladi, biroq keyinchalik yana bekor qilgan. So‘nggi yillarda parvozlarni yana tiklash imkoniyatlari muhokama qilindi.
Izoh (0)