Yozning jazirama kunlarida biroz tin olgan konsert dasturlari sentabr oyida yana jonlanadi. “Daryo” muxbiri yaqin orada o‘tkazilishi rejalashtirilayotgan o‘zbek san’at vakillarining yakkaxon konsert dasturlari va chipta narxlarini o‘rgandi. Narx-navolar avvalgidan biroz balandroq, quvonarlisi esa jonli ijrodagi dasturlarning soni bir muncha ortgan.
Valijon Shamshiyev
.jpg)
Ayni kunlarda Valijon Shamshiyev farzandlari bilan birga “Faqat besh kunlik” deb nomlangan konsert dasturiga qizg‘in tayyorgarlik ko‘rmoqda. Konsert 26—29-sentabrga qadar bo‘lib o‘tadi. Konsert chiptalari 30 ming so‘mdan – 400 mingga qadar sotuvga chiqarilgan.
Milena Madmusayeva
Xonanda Milena Madmusayeva 20-21 sentabr kunlari “Xalqlar do‘stligi” san’at saroyida “Bir dona” nomli konsert dasturini taqdim etadi. Xonanda ilk yakkaxon konsertini to‘liq jonli ijroda o‘tkazishni istadi. Konsert chiptalari 50 ming so‘mdan – 450 ming so‘mgacha sotuvga chiqarilgan.
Vohidjon Isoqov
Vohidjon Isoqovning bu yilgi konsert dasturi 7-8 oktabr kuni “Xalqlar do‘stligi” san’at saroyida bo‘lib o‘tadi. Jonli ijrodagi konsert chiptasi 25 ming so‘mdan 300 minggacha sotuvga chiqarilgan.
Rayhon G‘aniyeva
O‘zbekistonda xizmat ko‘rsatgan artist Rayhon G‘aniyeva ilk marta “Humo” arenada konsert berishni ma’qul ko‘rdi. Uning bu yilgi konserti 14-oktabr kuni bo‘lib o‘tadi. “Qalbim sirlari haqida” deb nomlangan dasturga kirish chiptalari 100 ming so‘mdan 600 ming so‘mgacha xarid qilishingiz mumkin.
Ozod Shukrullayev
O‘zbek stendapida o‘z o‘rniga ega bo‘lgan ijodkor Ozod Shukrullayevning bu yilgi konsert dasturi 29-oktabr sanasiga belgilandi. Chiptalarni 30 ming so‘mdan 350 ming so‘mgacha xarid qilishingiz mumkin.
Elyorbek Meliboyev
Yosh iste’dod egasi Elyorbek Meliboyev ham ilk konsert dasturini “Xalqlar do‘stligi” san’at saroyida o‘tkazishga ahd qildi. Uning jonli ijrodagi konsert dasturi 30-oktabr kuni bo‘lib o‘tadi. Konsert chiptalari 25 ming so‘mdan 300 ming so‘mgacha sotilmoqda.
Sherzod Boymurodov
Parodiya ustasi Sherzod Boymurodov ham bu yil konsert berishga jiddiy ahd qilgan ko‘rinadi. Uning yakkaxon konsert dasturi 7-noyabr kuni “Xalqlar do‘stligi” san’at saroyida bo‘lib o‘tadi. Chiptalar 25 ming so‘mdan 300 ming so‘mgacha sotuvga qo‘yilgan.
Nilufar Usmonova
Nilufar Usmonovaning bu yilgi konsert dasturi 24-25 noyabr kunlariga belgilandi. “Erkalaydi” deb nomlangan konsert chiptalari 50 ming so‘mdan 500 ming so‘mgacha narxda sotuvga chiqarildi.
Imron
Xonanda Imronning “Davo istab” nomli yakkaxon konsert dasturi 14-16 dekabr kunlarida bo‘lib o‘tadi. Konsert chiptalari 30 ming so‘mdan 400 ming so‘mgacha xarid qilishingiz mumkin.
Yulduz Usmonova
O‘zbekiston xalq artisti Yulduz Usmonovaning bu yilgi yakkaxon konsert dasturi 16-29 fevral kunlari “Xalqlar do‘stligi” san’at saroyida bo‘lib o‘tadi. Konsert chiptalari 50 ming so‘mdan 700 ming so‘mgacha narxda sotuvga chiqarilgan. Xonandaning bu yilgi konsert chiptalari ham eng qimmat va talabgir ekanligini inobatga olgan holda, uni avvalroq xarid qilishingizni maslahat beramiz.
Izoh (0)