Turkiyalik mashhurlarning hayoti qiziqarli voqealarga boy. Masalan, Burak O‘zchivit o‘ziga qimmatbaho mashina sotib oldi, Hande Erchel esa ijtimoiy tarmoqlarda muxlislarini yoqimli kadrlar bilan xursand qilishda davom etmoqda.
Burak O‘zchivit
Yanvar oyida Burak O‘zchivit va Fahriye Evjen ikkinchi marta ota-ona bo‘lishdi. Juftlik chaqaloqqa Kerem deb ism qo‘yishdi, bu ism muruvvatli, hurmatli, saxovatli degan ma’noni anglatadi.
“Choliqushi” teleseriali yulduzi qimmatbaho qora 2023 Gmc Sierra Denali Pikap mashinasini sotib oldi. Transport unga 375 ming dollarga tushdi.
Mahalliy jurnalistlar 37 yoshli ota mashinasining davlat raqamiga Keremning ismidagi harflarni qo‘yganini payqagan. Biroq aktyor bu mashinani rafiqasiga sovg‘a qilganmi yoki yo‘qmi, bu haqda aniq ma’lumot berilmagan.
O‘tgan yili Burak o‘z sevgilisiga 270 ming dollarlik mashina sovg‘a qilishga tayyorlanayotgani haqida mish-mishlar tarqalgan edi. Qayd etilishicha, aktyor pulini omonatga qo‘ygan va buyurtma uchun navbatda turgan. Ko‘rinib turibdiki, aktyorning muxlislari sovg‘a haqida hech qachon bilmaydi, chunki san’atkorlar juda kamtar va o‘z boyliklarini namoyish qilmaydi.
Aktyorlarning to‘ng‘ich o‘g‘li Karan allaqachon ijtmoiy tarmoqlar va reklama roliklarining yulduziga aylangan. Juftlik kichkina farzandining yuzini haligacha ommaga ko‘rsatmagan.
Muxlislar hozir Hande Erchelning hayotini diqqat bilan kuzatishmoqda. “Eshigimni qoq” serialida Eda rolini ijro etgan aktrisaning Hakan Sabanji bilan munosabatlari ko‘plab shov-shuvlarga sabab bo‘lmoqda. Juftlik uzoq vaqtdan buyon o‘z his-tuyg‘ularini ommaga ko‘rsatib kelmoqda, hatto paparatssilar ularni birga suratga olgan.
Aktrisa tez-tez sevgilisi bilan sayohatga chiqadi va u allaqachon Hakanning oila a’zolari bilan uchrashgan. Biznesmenning qarindoshlari uning aktrisa bilan munosabatlarini ma’qullamasliklari va har tomonlama ularning munosabatlariga qarshi chiqishlari muhokama qilindi.
Handening tashqi ko‘rinishiga qarab, u sevgilisining ota-onasi bilan tushunmovchiliklarni boshdan kechirmoqda deb aytib bo‘lmaydi, u barcha fotosuratlarida yorqin tabassum qiladi. 29 yoshli aktrisa yaqinda ijtimoiy tarmoqlaridagi sahifasiga uy hayvonlari bilan tushgan bir qator suratlarini joylashtirdi. Suratlarda uning oddiy tor ko‘ylak kiyganini, Garri Potter olamidan ilhomlanib yaratilgan chashkani qo‘lida ushlab turganini ko‘rish mumkin.
Bu post aktrisaning muxlislarini hayratda qoldirdi. Handening muxlislari: “Uning ajoyib chashkasi bor, men ham shunaqasidan xohlayman. Kuzda sizga kerak bo‘ladigan qulay narsa”, “Ajoyib iliq fotosuratlar”, “U har doim shunday estetik tarzda suratga tushadi. Uning uyida tushgan suratlarini yaxshi ko‘raman”, — deb izoh qoldirgan.
Handening ayrim muxlislari esa uning so‘nggi bir necha oy ichida juda ozib ketganini payqagan. “Juda nozik”, “Hande ozg‘in bo‘lishni ham haddan tashqari oshirib yubordi”, — deb izoh qoldirgan aktrisaning xavotirga tushgan muxlislari.
Aytgancha, yaqinda aktrisa bir toychoqqa yordam berib, yana bir xayrli ishga qo‘l urdi. O‘mur laqabli toychoq onasini yo‘l-transport hodisasida yo‘qotgan. “Mening Hasan ismli qadrdon do‘stim bor, uni juda yaxshi ko‘raman. U Mardinda yashaydi, muhtoj hayvonlar uchun protez oyoqlar yasaydi. Hasan menga O‘mur yordam va qo‘llab-quvvatlashga muhtojligini aytdi. U menga agar xohlasam, toychoqni asrab olishim mumkinligini aytdi. Unga shuni ham so‘rab o‘tirasanmi, dedim va taklifni mamnuniyat bilan qabul qildim”, — deydi aktrisa intervyusida.
Izoh (0)