Юлдуз Усмоновадан Элёр Мелибоевгача: “Халқлар дўстлиги”даги янги концертлар ва уларнинг чипта нархлари

Ёзнинг жазирама кунларида бир оз тин олган концерт дастурлари сентябрь ойида яна жонланади. “Дарё” мухбири яқин орада ўтказилиши режалаштирилаётган ўзбек санъат вакилларининг яккахон концерт дастурлари ва чипта нархларини ўрганди. Нарх-наволар аввалгидан бир оз баландроқ, қувонарлиси эса жонли ижродаги дастурларнинг сони бир мунча ортган.

Валижон Шамшиев

Айни кунларда Валижон Шамшиев фарзандлари билан бирга “Фақат беш кунлик” деб номланган концерт дастурига қизғин тайёргарлик кўрмоқда. Концерт 26—29 сентябрга қадар бўлиб ўтади. Концерт чипталари 30 минг сўмдан – 400 мингга қадар сотувга чиқарилган. 

Милена Мадмусаева

Хонанда Милена Мадмусаева 20-21 сентябрь кунлари “Халқлар дўстлиги” санъат саройида “Бир дона” номли концерт дастурини тақдим этади. Хонанда илк яккахон концертини тўлиқ жонли ижрода ўтказишни истади. Концерт чипталари 50 минг сўмдан – 450 минг сўмгача сотувга чиқарилган.

Воҳиджон Исоқов

Воҳиджон Исоқовнинг бу йилги концерт дастури 7-8 октябрь куни “Халқлар дўстлиги” санъат саройида бўлиб ўтади. Жонли ижродаги концерт чиптаси 25 минг сўмдан 300 минггача сотувга чиқарилган.

Райҳон Ғаниева

Ўзбекистонда хизмат кўрсатган артист Райҳон Ғаниева илк марта “Ҳумо” аренада концерт беришни маъқул кўрди. Унинг бу йилги концерти 14-октябрь куни бўлиб ўтади. “Қалбим сирлари ҳақида” деб номланган дастурга кириш чипталари 100 минг сўмдан 600 минг сўмгача харид қилишингиз мумкин.

Озод Шукруллаев

Ўзбек стендапида ўз ўрнига эга бўлган ижодкор Озод Шукруллаевнинг бу йилги концерт дастури 29-октябрь санасига белгиланди. Чипталарни 30 минг сўмдан 350 минг сўмгача харид қилишингиз мумкин. 

Элёрбек Мелибоев

Ёш истеъдод эгаси Элёрбек Мелибоев ҳам илк  концерт дастурини “Халқлар дўстлиги” санъат саройида ўтказишга аҳд қилди. Унинг жонли ижродаги концерт дастури 30-октябрь куни бўлиб ўтади. Концерт чипталари 25 минг сўмдан 300 минг сўмгача сотилмоқда.

Шерзод Боймуродов

Пародия устаси Шерзод Боймуродов ҳам бу йил концерт беришга жиддий аҳд қилган кўринади. Унинг яккахон концерт дастури 7 ноябрь куни “Халқлар дўстлиги” санъат саройида бўлиб ўтади. Чипталар 25 минг сўмдан 300 минг сўмгача сотувга қўйилган.

Нилуфар Усмонова

Нилуфар Усмонованинг бу йилги концерт дастури 24-25 ноябрь кунларига белгиланди. “Эркалайди” деб номланган концерт чипталари 50 минг сўмдан 500 минг сўмгача нархда сотувга чиқарилди.

Имрон

Хонанда Имроннинг “Даво истаб” номли яккахон концерт дастури 14-16 декабрь кунларида бўлиб ўтади. Концерт чипталари 30 минг сўмдан 400 минг сўмгача харид қилишингиз мумкин.

Юлдуз Усмонова

Ўзбекистон халқ артисти Юлдуз Усмонованинг бу йилги яккахон концерт дастури 16-29 февраль кунлари “Халқлар дўстлиги” санъат саройида бўлиб ўтади. Концерт чипталари 50 минг сўмдан 700 минг сўмгача нархда сотувга чиқарилган. Хонанданинг бу йилги концерт чипталари ҳам энг қиммат ва талабгир эканлигини инобатга олган ҳолда, уни аввалроқ харид қилишингизни маслаҳат берамиз.