Instagram: Toshkent ko‘chalarida “er izlayotgan” Maryam Tillayeva, rafiqasining tug‘ilgan kunini nishonlagan Ilhom Farmonov, operatsiya qilingan Zohid Risqiyev

Jahon va o‘zbek shou-biznesi vakillarining Instagram sahifalariga joylashtirilgan qiziqarli foto va videolarni e’tiboringizga havola etamiz.

Aktrisa Ra’no Zokirova ayni paytda Umra safarida bo‘lib turibdi. U Instagram’dagi sahifasi orqali Ka’bani ilk marta ko‘rganidagi taassurotlari bilan bo‘lishdi.

 

Xonanda Botir Qodirovning yangi klipida aktrisa Aysanemxon Yusupova suratga tushmoqda. 

22-avgust kuni Sariq bola nomi bilan mashhur bo‘lgan vayner Jahongir Xo‘jayev yaqinlari davrasida tug‘ilgan kunini nishonladi.



Dilnoza Kubayeva kuzatuvchilariga bolaligida tushgan suratini namoyish etdi. 

Ayni paytda Istanbulda bo‘lib turgan aktrisa Luiza Rasulova turkiyalik dunyoga mashhur oshpaz Burak O‘zdemir bilan tanishib oldi.



Iroda Nosirova katta tadbirlarda boshlovchi sifatidagi faoliyatini 18 yoshida boshlagani haqida so‘zlab berdi. 

“Ummon” guruhi xonanda Zohid Risqiyev yana bir operatsiyani boshdan kechirgan. Bu haqda uning rafiqasi Kamola Artiqova ma’lum qildi. Uzoq vaqt komada yotgan Zohidning bo‘ynida teshik hosil bo‘lgan hamda operatsiya davomida ushbu teshik tikib yopilgan.

Vayner Liil Xurramov yangi uyidan surat joylab, qachonlardir shunday uyi bo‘lishini orzu qilgani haqida so‘zlab berdi. 

Instabloger Maryam Tillayeva o‘z sahifasiga Toshkent ko‘chalari bo‘ylab “Ishu muja” (Er izlayapman) deb yozilgan bannerni ko‘tarib yurgani aks etgan videoni joylashtirdi. “Er izlayapman” degan yozuv ko‘tarib, video olish internetda keng tarqalgan trendlardan biri bo‘lib, Maryam ham shu yo‘nalishda video tayyorlagan.



Ushbu video ko‘plab OAV da chop etildi hamda ularda Maryam O‘zbekiston birinchi prezidentining nevarasi sifatida tilga olindi. Bloger barcha OAV xodimlariga murojaat yo‘llab, “Men haqimda xabar yozsangiz, bobomning ismini tilga olmang, uning Instagram’imga hech qanday aloqasi yo‘q. Men aktrisa, jamoat faoli va blogerman”, — dedi. 



Xonanda Jahongir Otajonov farzandlari bilan nonushta qilayotgan aks etgan surat bilan bo‘lishdi. 

Ilhom Farmonov 23-avgust kuni rafiqasining tug‘ilgan kunini nishonladi. Xonanda xonadonidagi quvonchli kunda o‘zbek shou-biznesining ko‘plab vakillari mehmon bo‘ldi.

Xonanda Shahzoda kuzatuvchilariga Xitoydan ko‘rinish berdi.