1984-yilda teleekranlarga “Santa-Barbara” seriali chiqdi va u dunyoning 40 dan ortiq mamlakatlarida namoyish etildi. Sujetga ko‘ra, voqealar Kaliforniyaning quyoshli shaharchasi Santa-Barbarada yashovchi badavlat Kepvellar oilasi atrofida sodir bo‘ladi. Serial shu qadar mashhur bo‘ladiki, ko‘plab tomoshabinlar yangi qismlarini intiqlik bilan kutishadi, qahramonlar haqida xuddi yaqinlaridek tashvishlanishadi — serial ham 32 yil davom etadi. Shubhasiz, ko‘plab tomoshabinlar sevimli aktyor va aktrisalarining qariyb 40 yildan keyin qanday ko‘rinishi va ularning taqdiri qanday kechganini bilishga qiziqadi.
Ey Martines (Kruz Kastillo)
Aktyor “Santa-Barbara” serialidan keyin ham turli teleserial va filmlarda suratga tushadi. Martines “Janub qirolichasi”da Sherif Mayo rolini o‘ynagan va 2023-yilgi “Qora shamollar” serialida sherif Gordo rolini ijro etgan.
Robin Rayt (Kelli Kapvell)
Aktrisa Santa Barbara tufayli mashhur bo‘ladi, lekin bir necha yil o‘tgach, u katta filmdagi rol uchun loyihani tark etadi. 2016-yilda u hatto eng ko‘p maosh oluvchi aktrisalardan biri deb topiladi. 2020-yilda u “Mo‘jizakor ayol 1984” filmida rol o‘ynaydi, 2024-yilda esa “Shu yerda” filmida ishtirok etadi.
Jed Allen (Si Si Kepvell)
Teleserialdagi Kepvell oilasi boshlig‘ining roli aktyorga katta shuhrat keltirdi, garchi u ilgari boshqa ko‘plab loyihalarda rol o‘ynagan bo‘lsa ham tomoshabinlar uni shu roli orqali taniydi. Santa Barbaradan keyin Jed Allen “Beverli-Xillz, 90210” va “Ko‘rfaz” filmlarida suratga tushadi. Aktyor 2019-yilda 84 yoshga to‘lganidan atigi 8 kun o‘tib, vafot etadi.
Marsi Uoker (Eden Kepvell)
Eden Kepvell va Kruz Kastillo telesagani suratga olish jarayonida eng mashhur superjuftlardan biriga aylanishgandi. Ushbu rol uchun aktrisa “Emmi” mukofotining 3 ta nominatsiyani oladi. Shuningdek, u “Barchasi mening bolalarim” serialini suratga olishda ishtirok etadi. 2005-yilda esa u kinodan ketishga qaror qiladi.
Nensi Li Grand (Juliya Ueynrayt Kepvell)
“Santa-Barbara”dan keyin aktrisa “Bosh kasalxona” va “Qal’a” kabi turli seriallarda ishtirok etadi. 2019-yilda Nensi Li Grand gitarachi Richard Smit bilan unashtirilganini e'lon qiladi. Hozir u xayriya ishlarida faol ishtirok etmoqda.
Judit Makkonnel (Sofiya Kepvell)
Judit aktrisalik faoliyatini “Santa-Barbara”dan ancha oldin boshlagan va shu kungacha asosan seriallardagi rollari bilan tomoshabinlarni xursand qilishda davom etmoqda.
Leyn Devis (Meyson Kepvell)
“Santa-Barbara”dan keyin aktyor televideniyedagi faoliyatini davom ettirib, “Beso‘naqay va go‘zal”, “Seynfeld”, “Klinika” va “G‘ayritabiiy” kabi teleseriallarda suratga tushadi. Hozirda Leyn asosan Uilyam Shekspir pyesalari asosidagi spektakllarda o‘ynashda davom etmoqda.
Li Makkloski (Zak Kelton)
“Santa-Barbara”da aktyor tomoshabinlar yodida qolgan. Serialdan so‘ng u nafaqat aktyor, balki “mehmon” sifatida ham turli teleko‘rsatuvlar va seriallarga bir necha bor taklif qilingan. Hozirda aktyor rafiqasi bilan falsafa va psixologiya mavzusida muntazam seminarlar va ijtimoiy tadbirlar o‘tkazib turadi.
Leonardo Di Kaprio (Meyson Kepvellning bolaligi)
Albatta, Leoni tanimaydigan odam yo‘q. Ma’lum bo‘lishicha, “Santa-Barbara”da u bolaligida Meyson Kepvell rolini ijro etgan. Aktyor ajoyib filmografiyaga ega. 2021-yilda u “Tepaga qarama” filmida doktor Rendall Mindi rolini, 2023-yilda esa “Gulli oy qotillari” filmida Ernest Burxart rolini o‘ynagan.
Vinsent Ayrizarri (Skott Klark)
Aktyor “Santa-Barbara” filmidagi doktor Skott Klark roli bilan tomoshabinlar xotirasida qolgan, keyinroq “Barchasi mening bolalarim” serialida doktor Devid Xeyvard rolini o‘ynagan. 2017-yilda u eng yaxshi bosh rol ijrochisi nominatsiyasida “Emmi” mukofotiga nomzod bo‘ladi. 2021-yilga kelib u “Hayotimiz kunlari” serialining 165 ta qismida suratga tushgan.
Izoh (0)